Búgin fýtboldan Premer-liga komandalary arasyndaǵy el birinshiligi on birinshi týrynyń alǵashqy oiyn kúni aiaqtaldy, dep habarlaidy "Ult aqparat".
Búginge belgilengen kezdesýler elordalyq «Astana» men Taldyqorǵannyń «Jetisý» jubynyń oiynymen máresine jetti. Týrnir kestesinde alǵashqy jáne sońǵy orynda turǵan komandalar kezdesýin jankúierler asyǵa kútken anyq.
Oiyn taǵdyryn jalǵyz gol sheshti. Ony 4-minýtta elordalyq fýtbolshy Marin Tomasov óziniń enshisine jazdy. Budan keiin esepti ózgertetin birneshe múmkindik bolǵan edi. Oiyn sońyna deiin tablodaǵy esep ózgergen joq. Osylaisha «Astana» qarsylasyn 1:0 esebimen tize búktirdi. Elordalyq klýb qatarynan segizinshi márte jeńiske jetip otyr.
Búgingi jeńisten keiin «Astana» 29 upaiǵa jinap, birinshi orynda tur. Odan keiingi oryndaǵy «Tobyldyń» 21, «Aqjaiyqtyń» 18 upaiy bar.
Esterińizge sala ketelik, buǵan deiin atalǵan týrda eki oiyn ótkizildi. Aldymen «Turan» syrt alańda qaraǵandylyq «Shahterdi», odan keiin Oraldyń «Aqjaiyǵy» óz alańynda Almatynyń «Qairatyn» 1:0 esebimen jeńdi.
Al úshinshi oiynda «Aqtóbe» men «Qaisar» teń tústi.
Al 15 mamyrda saǵat 15.00-de «Qyzyljar» (Petropavl) men «Kaspii» (Aqtaý) kezdesse, 17.00-de «Ordabasy» (Shymkent) men «Tobyl» (Qostanai) komandalary sheberlik baiqasady. Atalǵan týrdy saǵat 19.00-de «Atyraý» jáne «Taraz» kezdesýi túiindeidi.
