Halyqaralyq reitingtik agenttikterdiń derekteri boiynsha, qazaqstandyq bilim berý úzdik 40 eldiń qataryna kirdi, dep habarlaidy "Ult aqparat".
Legatum Institute halyqaralyq zertteý ortalyǵy 2017 jyldyń qorytyndysy boiynsha gúldený indeksin jariialady, onda 149 memlekettiń ishinen barlyq parametrler boiynsha Qazaqstan 72-orynǵa ie boldy.
Reiting Birikken Ulttar Uiymy, Dúniejúzilik bank, Ekonomikalyq yntymaqtastyq jáne damý uiymy, Dúniejúzilik Saýda uiymy, Gallup, Economist Intelligence Unit, IDC, Pyramid Research usynǵan statistikalyq derekter boiynsha jasalǵan. Indeks ekonomika, kásipkerlik, basqarý, bilim berý, densaýlyq saqtaý, qaýipsizdik, jeke bostandyq, áleýmettik kapital, ekologiia sekildi qoǵam ómiriniń aspektileri men qoǵamdyq ál-aýqattylyq parametrlerin kórsetetin kórsetkishter negizinde shyǵarylǵan.Bul zertteýge Qazaqstan 2006 jyldan bastap qatysady jáne osy ýaqyt boiy biz 20 orynǵa joǵaryladyq, al ótken jylmen salystyrǵanda Qazaqstan 83-orynnan 72-orynǵa, iaǵni 11 pozitsiiaǵa alǵa jyljydy.
Barlyq TMD elderiniń ishinen 26-oryndy ielengen Reseige ǵana jol berip, bilim indeksi boiynsha Qazaqstan 35-oryn aldy. Sonymen qatar,Legatum Institutederekteri boiynsha bilim deńgeii bizde Qytai men Túrkiiaǵa qaraǵanda joǵary.
Qazaqstannyń gúldený indeksine keltirilgen túsiniktemelerde Qazaqstanda bilim deńgeii myqty ekendigi kórsetilgen. Bul elimizdiń árdaiym Bilim sanaty boiynsha 40 myqty elder qatarynda bolýymen dáleldenedi. Memleketimiz Ortalyq jáne Batys Aziia boiynsha bilim salasynda úzdik dep tanyldy jáne 2011 jyly IýNESKO «Barshaǵa arnalǵan bilim» indeksinde birinshi oryn aldy.
Esepke sáikes Qazaqstandaǵy bilim deńgeii ortasha álemdik deńgeiden jáne onyń óńirlik qurdastary Tájikstan men Qyrǵyzstan deńgeiinen áldeqaida asyp túsedi.
Jetistikter kezdeisoq emes, sebebi «Qazaqstan 2050» baǵdarlamasy aiasynda Qazaqstan halyqtyń saýattylyq deńgeiin 99,8% -ǵa deiin kóterý jáne halyqtyń bastaýysh synyptardy 100% aiaqtaýy úshin zor kúsh salyp jatyr. Bilim teńsizdigi kórsetkishi óte tómen, al qyz balalar men er balalardy qamtý koeffitsienti álemdegi eń jaqsylarynyń biri. Barlyǵy úshin tegin jáne mindetti orta bilimniń bolýy memlekettiń orta bilimniń eń joǵary kórsetkishine jetýin qamtamasyz etti. Sonymen qatar, mektepke deiingi oqytý baǵdarlamasyn keńeitip, kelesi onjyldyqta Qazaqstan bilim berýdiń barlyq deńgeiinde iri reformalar júrgizýdi jalǵastyrmaq.
