Qazaqstanda biliktiń formaty ózgeredi dep oilaimyn. Keibir adamdar aityp júrgendei, Qazaqstanda klandyq kúres joq.
Qazaqstan Respýblikasynyń Prezidenti Qasym-Jomart Toqaevtyń Parlamenttiń arnaiy otyrysynda sóilegen sózi týraly aityp ketkim keledi. Onyń basty oiy – áleýmettik ádildikti ornatý. Osyǵan bailanysty qiyn-qystaý kezeńde azamattardy qoldaý maqsatynda prezident ákimshiligi men úkimetten derbes bolyp, tolyǵymen qoǵamǵa baǵynatyn «Qazaqstan halqyna» qorynyń qurylýy óte mańyzdy bolyp otyr. Qazaqstan biligi áleýmettik komponentti nyǵaitý úshin qoldan kelgenin jasaidy, bul – halyqty tynyshtandyrýdyń jalǵyz joly. Halyq qazirgi kezde bolǵan oqiǵadan keiin eseńgirep qalǵan, qazaq halqy bylai tursyn, bul jaǵdai kórshiles elderdi de alańdatty.
Ekinshi másele – quqyq qorǵaý júiesindegi reformalar. Olarǵa ishki, áskeri, qylmys jáne qarjy máseleleri kiredi. Osy jerde biz óte muqiiat baqylaimyz. Bul oraida Túrkiia, Ázerbaijan men Ózbekstannyń qaita qurý tájiribesine nazar aýdarǵan jón dep sanaimyn.
Álem qaýymdastyǵy úshin taǵy bir mańyzdy másele – UQShU bitimgerleriniń Qazaqstandaǵy missiiasynyń aiaqtalǵanyn, 10 kún ishinde áriptes elder áskerileriniń respýblika aýmaǵynan keteti týraly jariialaý.
Gela Vasadze (Grýziia),
Grýziianyń strategiialyq ortalyǵynyń sarapshysy (GSAC)
