قازاقستاندا بيلٸكتٸڭ فورماتى ٶزگەرەدٸ دەپ ويلايمىن. كەيبٸر ادامدار ايتىپ جٷرگەندەي, قازاقستاندا كلاندىق كٷرەس جوق.
قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆتىڭ پارلامەنتتٸڭ ارنايى وتىرىسىندا سٶيلەگەن سٶزٸ تۋرالى ايتىپ كەتكٸم كەلەدٸ. ونىڭ باستى ويى – ەلەۋمەتتٸك ەدٸلدٸكتٸ ورناتۋ. وسىعان بايلانىستى قيىن-قىستاۋ كەزەڭدە ازاماتتاردى قولداۋ ماقساتىندا پرەزيدەنت ەكٸمشٸلٸگٸ مەن ٷكٸمەتتەن دەربەس بولىپ, تولىعىمەن قوعامعا باعىناتىن «قازاقستان حالقىنا» قورىنىڭ قۇرىلۋى ٶتە ماڭىزدى بولىپ وتىر. قازاقستان بيلٸگٸ ەلەۋمەتتٸك كومپونەنتتٸ نىعايتۋ ٷشٸن قولدان كەلگەنٸن جاسايدى, بۇل – حالىقتى تىنىشتاندىرۋدىڭ جالعىز جولى. حالىق قازٸرگٸ كەزدە بولعان وقيعادان كەيٸن ەسەڭگٸرەپ قالعان, قازاق حالقى بىلاي تۇرسىن, بۇل جاعداي كٶرشٸلەس ەلدەردٸ دە الاڭداتتى.
ەكٸنشٸ مەسەلە – قۇقىق قورعاۋ جٷيەسٸندەگٸ رەفورمالار. ولارعا ٸشكٸ, ەسكەري, قىلمىس جەنە قارجى مەسەلەلەرٸ كٸرەدٸ. وسى جەردە بٸز ٶتە مۇقييات باقىلايمىز. بۇل ورايدا تٷركييا, ەزەربايجان مەن ٶزبەكستاننىڭ قايتا قۇرۋ تەجٸريبەسٸنە نازار اۋدارعان جٶن دەپ سانايمىن.
ەلەم قاۋىمداستىعى ٷشٸن تاعى بٸر ماڭىزدى مەسەلە – ۇقشۇ بٸتٸمگەرلەرٸنٸڭ قازاقستانداعى ميسسيياسىنىڭ اياقتالعانىن, 10 كٷن ٸشٸندە ەرٸپتەس ەلدەر ەسكەريلەرٸنٸڭ رەسپۋبليكا اۋماعىنان كەتەتٸ تۋرالى جارييالاۋ.
گەلا ۆاسادزە (گرۋزييا),
گرۋزييانىڭ ستراتەگييالىق ورتالىعىنىڭ ساراپشىسى (GSAC)
