Qazaqstan bidai men un eksportyna kvotany 30 qyrkúiekke deiin uzartady, dep habarlaidy "Ult aqparat" Aýyl sharýashylyǵy ministrligine silteme jasap.
"Syrtqy saýda saiasaty jáne halyqaralyq ekonomikalyq uiymdarǵa qatysý jónindegi vedomstvoaralyq komissiia respýblikanyń azyq-túlik qaýipsizdigin qamtamasyz etý maqsatynda biylǵy jyldyń 30 qyrkúiegine deiin úshinshi elderge jáne EAEO elderine 550 myń tonna kóleminde bidai men meslin, sondai-aq úshinshi elderge 370 myń tonna kóleminde bidai men bidai-qara bidai unynyń eksportyna shekteý engizý týraly sheshim qabyldady.
Ministrlik aýyl sharýashylyǵy ónimderin kvotalaý mehanizmin bekitý boiynsha sharalar qabyldap jatyr" delingen habarlamada.
Aita keteiik, 15 maýsymǵa deiin Qazaqstannan 1 million tonna bidai men 300 myń tonna mólsherinde undy syrtqa shyǵarýǵa kvota engizilgen bolatyn.
Qazaqstannyń Astyq odaǵynyń sońǵy málimetine sáikes, bidaiǵa arnalǵan kvotany igerý 50 paiyzdy, un boiynsha 87 paiyzdy qurap otyr.
