Foto:fintech-retail.com
Resei biznesine Ortalyq Aziia bankteri arqyly tólemder júrgizýden bas tartý úlesi 30%-ǵa jetti, dep habarlaidy Ulysmedia.kz RBK-ǵa silteme jasap.
Tasymaldaý kompaniialary daiyndaǵan sholý boiynsha, reseilikterdiń tólemderine bailanysty máseleler Qazaqstan, Qyrǵyzstan, Ózbekstan jáne Tájikstandy qamtidy. Mysaly, tólemder júrgizý ortasha merzimi eki aptaǵa deiin ulǵaiyp, maýsymmen salystyrǵanda shilde aiynda shamamen 15%-ǵa ósti.
Aita ketý kerek, qiyndyqtar Máskeý birjasyna sanktsiialar engizilgennen keiin bastalǵan.
Ulttyq valiýtalarmen esep aiyrysý kezinde de máseleler týyndap jatyr. Ásirese, Ortalyq Aziia arqyly úshinshi elderge, sonyń ishinde Qytaiǵa tólemder nashar júredi. Sonymen qatar, rýbl jáne teńge boiynsha esep aiyrysý kezinde máseleler az.
Jyl basynan beri tólem agentteriniń ortasha komissiiasy úsh ese ulǵaiyp, qazir tólemniń maqsaty men taýar sanatyna bailanysty 3–11% quraidy.
Ekinshi rettik sanktsiialardan qorqatyn seriktes bankter somalarǵa shekteýler engizip jatyr. Mysaly, $10 myń tólemi ótedi, al $50 myń tólemi ótpeidi.
SANKTsIIaǴA UShYRAǴAN MÁSKEÝ BIRJASY
Maýsymnyń ortasynda AQSh-tyń Sheteldik aktivterdi baqylaý basqarmasy (OFAC) Máskeý birjasyn SDN tizimine engizdi.
Máskeý birjasy Qazaqstan qor birjasynyń (KASE) eń iri aktsionerleriniń biri jáne onyń 13,1% aktsiiasyna ie.
OFAC reseilik saýda alańymen operatsiialardy toqtatý litsenziiasyn 13 tamyzǵa deiin berdi. Bul KASE men Máskeý birjasy arasyndaǵy kelissózder protsesin jyldamdatty.
