«SQ-Farmatsiia» «Samuryq-Qazyna» Ulttyq ál-aýqat qory AQ ujymyn vaktsinatsiialaý úshin 1 000 000 doza mólsherinde koronavirýstyq infektsiiaǵa qarsy Hayat-Vax (SARS-CoV-2 (Vero Cell) vaktsinasynyń partiiasyn satyp aldy. Bul týraly Densaýlyq saqtaý ministrligi habarlady.
«Sinopharm» kompaniiasy vaktsinasynyń bul partiiasy Biryńǵai distribiýtordyń habtaryna jóneltilgennen keiin birinshi kezekte holding kontingentiniń qajettilikteri úshin paidalanylatyn bolady.
Sodan keiin Hayat-Vax vaktsinalarynyń qalǵan sany halyq arasynda vaktsinatsiia alǵysy keletinder úshin qoldanylady.
Atalǵan vaktsina kelesi keste boiynsha jetkiziledi:
- 2021 jylǵy 30 sáýirine deiin 400 000 doza;
- 2021 jylǵy mamyr aiynda 600 000 doza.
"Samuryq-Qazyna" qorynyń saityndaǵy aqparatqa sai, alynǵan ekpe "500 myń adamǵa salýǵa jetedi". Qor "jumysshylary men olardyń otbasyna tolyq ekpe salýdy kózdeidi". "Samuryq-Qazyna" baspasóz qyzmeti "ekpe shyǵarýshyny tańdamaǵanyn" aitty.
"SK-Farmatsiianyń" málimeti boiynsha, "Samuryq-Qazyna" alǵan ekpe Hayat-Vax dep atalady jáne ol BAÁ elindegi Gulf Pharmaceutical Industries Julphar kompaniiasynda shyǵarylǵan. Preparatty Pekindegi Sinopharm kompaniiasynyń biologiialyq ónimder institýty jasaǵan.
"SK-Farmatsiia" Azattyq agenttigine bir doza 31,1 dollarǵa alynǵanyn (jalpy quny – 31,1 mln dollar) habarlaǵan. Al densaýlyq saqtaý ministrligi ekpeniń Qazaqstanda "ýaqytsha tirkeý kýáligi" baryn málimdedi.
Qazir Qytaidyń CanSino, Sinopharm jáne Sinovac Biotech kompaniialary koronavirýsqa qarsy ekpe shyǵarǵan. Resmi Pekin bul ekpeler álemniń ondaǵan elinde egýge ruqsat aldy deidi.
Biyl sáýirde Qytai ózi shyǵarǵan ekpeniń tiimdiligi tómen ekenin moiyndaǵan. Bul Qytai sheneýnikteriniń ekpeniń qorǵaý múmkindigi tómen ekenin alǵash moiyndaýy edi. Braziliiada júrgizilgen zertteý kezinde Sinovac ekpesiniń tiimdiligi 50,4 paiyzdy kórsetken.
"Samuryq-qazyna" ál-aýqat qory 2006 jyly kvazimemlekettik sektordaǵy ondaǵan kompaniianyń birigýinen keiin qurylǵan. Qordyń aktivi 63 mlrd dollardy quraidy. Qor saitynda holdingtiń missiiasy "Qazaqstannyń ál-aýqatyn kóterý jáne bolashaqqa jaǵdai jasaý" dep kórsetilgen.
Qazir Qazaqstan halyqqa negizinen reseilik "Spýtnik V" ekpesi salynyp jatyr. 26 sáýirden bastap Qazaqstan ǵalymdary jasaǵan QazCovid-in ekpesi de salyna bastady.
Anyqtama: Aldyn ala toltyrylǵan shpritste nemese qutyda inaktivatsiialanǵan «Sinopharm» Hayat-Vax (SARS-CoV-2 (Vero Cell) COVID-19 koronavirýstyq infektsiiasyna qarsy vaktsinasy, saqtaý sharttary +2, +8 gradýs. 1 adamǵa vaktsinanyń 2 dozasyn engizý usynylady, ekinshi doza birinshi inektsiiadan keiin 14 kúnnen soń júrgiziledi.
Óndirilgen aimaǵy: Gulf Pharmaceutical Industries Julphar, BAÁ;
Jetkizýshi - «G42 MEDICATIONS TRADING» LLC;
SARS-CoV-2 (Vero Cell) sýbstantsiiasy WEB (Wuhan Bio-Institute Biological Products Co. Ltd) jáne BIBP (Beijing Bio-Institute Biological Products Co.. Ltd) negizinde óndirilgen eki óndiris alańy da Sinopharm-ge tiesili.
