Jaqynda Aziia elderi boiynsha elektrondyq úkimettiń damý reitingi jariialandy. 2018 jyldyń qorytyndysynda Qazaqstan úzdik 10 eldiń qataryna enip, 8 orynnan kórindi.
E-úkimet damý indeksi memlekettegi elektrondyq úkimettiń damýyn kórsetedi. Sondai-aq, aqparattyq tehnologiialardy qalai qoldanatynymen ólshenedi.
Otandyq BAQ-tyń jazýynsha, jahandyq reitingke Japoniia, Ońtústik Koreia, Singapýr syndy tsifrlyq turǵydan kóshbasshy elder qatysqan. Osylaisha, Aziia elderi boiynsha elektrondy úkimettiń damý indeksindegi alǵashqy 10 memlekettiń qataryna Ońtústik Koreia (1), Singapýr (2), Japoniia (3), BAE (4), Bahrein (5), Izrail (6), Kipr (7), Qazaqstan (8), Kýveit (9), Malaiziia (10) elderi kiredi.
Elektrondyq úkimettiń damýy «aqyldy qala» kontseptsiiasynyń tolyqtai júzege asýy úshin mańyzdy. Qazirgi tańda «aqyldy qala» jobasy Nur-Sultan, Almaty, Aqkól, Petropavl, Aqtóbe, Qaraǵandy qalalarynda júrgizilip jatyr. Nur-Sultan qalasy smart city kontseptsiiasyna sáikes, qaýipsizdik pen turǵyn-úi kommýnaldyq sharýashylyq salasyna basymdyq bergen. Al smart Almaty boiynsha transport pen basqarý júiesi birtindep tsifrlyq formatqa kóshýde.
Eske sala ketsek, elektrondyq úkimetti qurý ideiasyn alǵash ret 1997 jyly QR Tuńǵysh Prezidenti Nursultan Nazarbaev aitqan bolatyn. Negizgi maqsaty – memlekettik qyzmetti aqparattyq kommýnikatsiialyq tehnologiialardy paidalana otyryp, qoljetimdi etý, el turǵyndarynyń memlekettik basqarý protsesine qatysý deńgeiin kóterý jáne memlekettik qyzmettiń ishki tiimdiligi men sapasyn arttyrý. Al qazirgi tańda memlekettik qyzmetti el turǵyndaryna jyldam jetkizýdi kózdep otyr. Osyǵan orai, búginde Qazaqstan halqy nebári 15 minýttyń ishinde zańdy tulǵany tirkeý, jeke kýálik, júrgizýshi kýáligin alý múmkindigine ie boldy.
