Foto: gov.kz
QR Syrtqy ister ministrligi 27 qańtarda oryn alǵan jáne diplomatiialyq ókildik qyzmetkerleriniń qaza bolýy men jaralanýyna ákep soqqan Ázerbaijan Respýblikasynyń Tegerandaǵy Elshiligine jasalǵan qarýly shabýyldy qatań aiyptady, dep habarlaidy "Ult aqparat" vedomstvonyń baspasóz qyzmetine silteme jasap.
"Qazaqstan diplomatiialyq missiialar men onyń ókilderine qatysty zorlyq-zombylyq pen agressiia aktileriniń kez kelgen kórinisi qabyldanbaidy dep sanaidy. Mundai shabýyldar halyqaralyq quqyqtyń negizderi men normalaryn buzady jáne jalpyǵa birdei aiyptalýǵa jatady dep sanaimyz.
Ázerbaijannyń baýyrlas halqyna, sondai-aq qaza tapqan Ázerbaijan Respýblikasynyń azamaty Orhan Askerovtyń týystary men jaqyndaryna qaiǵyra kóńil aitamyz. Zardap shekken adamdardyń tezirek saýyǵyp ketýin tileimiz.
Iran Islam Respýblikasynyń biligi bul oqiǵany muqiiat tergep, kinálilerdi jazalaý úshin tiisti sharalar qoldanatynyna senimdimiz" - delingen málimdeme mátininde.
