Foto: Aqorda
Qasym-Jomart Toqaev, Ilham Áliev jáne Shavkat Mirziioev ekologiialyq taza energiiany óndirý jáne jetkizý boiynsha strategiialyq áriptestik ornatýǵa kelisti, dep habarlaidy Ult.kz.
SOP29 Dúniejúzilik klimat sammitiniń aiasynda memleketter basshylary jasyl energiiany óndirý jáne berý salasyndaǵy strategiialyq seriktestik týraly kelisimge qol qoidy.
Memleket basshysy búgingi aitýly oqiǵa ornyqty damýǵa ortaq umtylys tarihynyń jańa paraǵyn ashqanyn atap ótti.
"Strategiialyq seriktestik týraly kelisimge qol qoiý – Ortalyq Aziia men Ońtústik Kavkaz óńirleriniń úshjaqty yntymaqtastyǵyn damytýdaǵy mańyzdy kezeń. Qujat elderimizdiń energetikalyq júielerin integratsiialaý, sondai-aq Eýropa elderi men basqa da naryqtarǵa ekologiialyq taza energiiany jetkizetin senimdi dálizderdi qalyptastyrý úshin jańa múmkindikterge jol ashady. Munda Qazaqstan iri tranzit aýmaǵy retinde úlken ról atqarady. Atalǵan kelisimniń naqty nátijeleri úsh eldiń ekonomikalaryn biriktirip, Orta dálizdi «jasyl kópir» retinde damytýǵa yqpal etedi. Bul mańyzdy saladaǵy tyǵyz yntymaqtastyq memleketter arasyndaǵy tájiribe men ozyq tehnologiialardy almasýǵa serpin beredi, sondai-aq energetikalyq qaýipsizdigimizdi nyǵaitýǵa septigin tigizedi", – dedi Prezident.
Ázerbaijan Prezidenti Ilham Áliev búgingi kelisimder úsh memleket arasyndaǵy baýyrlastyq qatynastar men strategiialyq seriktestikti jańa deńgeige shyǵaratynyn atap ótti.
Ózbekstan Prezidentiniń pikirinshe, búgingi kelisim ekonomikalyq maqsatty ǵana kózdemeidi, bul – bolashaqqa qosylǵan ortaq úles.
Qasym-Jomart Toqaev Qazaqstan sheteldik seriktestermen jalpy qýaty 43 GVt bolatyn «jasyl» jobalardy júzege asyrý jóninde ýaǵdalastyqqa qol jetkizgenin atap ótti.
