29 jastaǵy Qazaqstan azamaty Reseige munai kompaniiasyna jumysqa ornalasýǵa barǵan, biraq ol jumysqa qabyldanbaǵan. Jas jigit Reseidiń Irkýtsk oblysy Ýst-Kýt qalasynyń temirjol stansasynda shý shyǵarǵan, – dep habarlaidy jergilikti ust-kut24.ru portaly.
Anyqtalǵandai, 29 jastaǵy Qazaqstan azamaty jumysqa ornalasa almaǵan soń, úige qaitýǵa májbúr bolyp, jol júrer aldynda ishimdik iship alǵan. Sol sebepten poiyz basshysy mas jolaýshyny mingizýden bas tartqan.
Buny estigen azamat poiyz júrer aldynda 20 metrlik jaryqtandyrý munarasyna shyǵyp alyp, «óz-ózime qol jumsaimyn» dep qorqytqan. Buǵan qosa, ol Resei prezidenti Vladimir Pýtinmen nemese LDPR partiiasynyń lideri Vladimir Jirinovskiimen tikelei sóilestirýdi talap etken.
Er adam qutqarýshylar, politseiler men temirjol stansasynyń jumysshylaryna elektr symdarynyń izoliatorlaryn laqtyrǵan. Shamamen toǵyz saǵat ótkennen keiin stansa basshylyǵy buzaqynyń anasymen bailanysqa shyqqan.
Budan keiin Qazaqstan azamaty tómenge túsip, politsiiaǵa berilgen. Ol iri kólemde aiyppul salynǵannan keiin úiine jiberildi. Endi buzaqynyń Reseige kirýine tyiym salynýy múmkin.
