29 جاستاعى قازاقستان ازاماتى رەسەيگە مۇناي كومپانيياسىنا جۇمىسقا ورنالاسۋعا بارعان, بٸراق ول جۇمىسقا قابىلدانباعان. جاس جٸگٸت رەسەيدٸڭ يركۋتسك وبلىسى ۋست-كۋت قالاسىنىڭ تەمٸرجول ستانساسىندا شۋ شىعارعان, – دەپ حابارلايدى جەرگٸلٸكتٸ ust-kut24.ru پورتالى.
انىقتالعانداي, 29 جاستاعى قازاقستان ازاماتى جۇمىسقا ورنالاسا الماعان سوڭ, ٷيگە قايتۋعا مەجبٷر بولىپ, جول جٷرەر الدىندا ٸشٸمدٸك ٸشٸپ العان. سول سەبەپتەن پويىز باسشىسى ماس جولاۋشىنى مٸنگٸزۋدەن باس تارتقان.
بۇنى ەستٸگەن ازامات پويىز جٷرەر الدىندا 20 مەترلٸك جارىقتاندىرۋ مۇناراسىنا شىعىپ الىپ, «ٶز-ٶزٸمە قول جۇمسايمىن» دەپ قورقىتقان. بۇعان قوسا, ول رەسەي پرەزيدەنتٸ ۆلاديمير پۋتينمەن نەمەسە لدپر پارتيياسىنىڭ ليدەرٸ ۆلاديمير جيرينوۆسكييمەن تٸكەلەي سٶيلەستٸرۋدٸ تالاپ ەتكەن.
ەر ادام قۇتقارۋشىلار, پوليتسەيلەر مەن تەمٸرجول ستانساسىنىڭ جۇمىسشىلارىنا ەلەكتر سىمدارىنىڭ يزولياتورلارىن لاقتىرعان. شامامەن توعىز ساعات ٶتكەننەن كەيٸن ستانسا باسشىلىعى بۇزاقىنىڭ اناسىمەن بايلانىسقا شىققان.
بۇدان كەيٸن قازاقستان ازاماتى تٶمەنگە تٷسٸپ, پوليتسيياعا بەرٸلگەن. ول ٸرٸ كٶلەمدە ايىپپۇل سالىنعاننان كەيٸن ٷيٸنە جٸبەرٸلدٸ. ەندٸ بۇزاقىنىڭ رەسەيگە كٸرۋٸنە تىيىم سالىنۋى مٷمكٸن.
