Qazaqstan Prezidenti Nursultan Nazarbaev azamattyqty jeńildetilgen tártippen alatyn tulǵalar tizimin uzartty. Aqorda baspasóz qyzmetiniń habarlaýynsha, prezidenttiń jańa qaýlysyna sai, endi 16 túrli kásip pen mamandyq ieleri Qazaqstan azamattyǵy jeńildetilgeni tártippen ala alady.
Jańa tizimge engizilgen densaýlyq saqtaý salasyndaǵy mamandar, biznes sarapshylary, baǵdarlamalyq qamtamasyz etý mamandary, aqparattyq tehnologiia salasyndaǵy joba menedjeri, robototehnika, aqparattyq qaýipsizdik salasyndaǵy mamandar, aqparattyq qaýipsizdik aýditory, aqparatty qorǵaý boiynsha injenerler Qazaqstan azamattyǵyn jeńildikpen ala alady. Tizimge sonymen qatar bioinformatika, molekýliarlyq biotehnologiia jáne bioinjeneriia salalaryndaǵy mamandar, bilim berý tehnologiiasy, agrarlyq ǵylym, meditsina, qarjy jáne ekonomika salalary boiynsha ǵylymi qyzmetkerler engizilgen.
Nazarbaevtyń 2005 jyly 6 maýsymda shyǵarǵan jarlyǵy boiynsha ártis, sáýletshi, dáriger, biolog, geolog, dirijer, injener, ushqysh, fizika jáne astronomiia salasyndaǵy ǵylymi qyzmetker jáne basqalary Qazaqstan azamattyǵyn jeńildikpen ala alatyn.
