Foto: martebe.kz
Test qazaq tilinen bólek, Qazaqstan Konstitýtsiiasy men tarihy boiynsha suraqtardy qamtidy, dep habarlaidy "Ult aqparat".
Ǵylym jáne joǵary bilim ministrligi Qazaqstan azamattyǵyn alý úshin qazaq tili jáne Qazaqstan tarihy men Konstitýtsiiasy boiynsha emtihan tapsyrýdyń erejelerin ázirledi.
Qujat jobasy Ashyq NQA portalynda jariialandy.
Emtihan test formatynda ótedi. Test 100 suraqtan turady. Onyń ishinde:
qazaq tili boiynsha – 60,
onyń ishinde: tyńdalym bóligi boiynsha – 20,
oqylym bóligi boiynsha – 40 suraq;
QR Konstitýtsiiasynyń negizderi boiynsha – 15 suraq;
Qazaqstan tarihy boiynsha – 25 suraq.
Qazaqstan azamattyǵyn alý úshin jetkilikti shekti ball 60 ball bolyp belgilendi. Onyń ishinde úmitker:
Qazaq tiliniń tyńdalym bóligi boiynsha – keminde 12 ball,
oqylym bóligi boiynsha – keminde 24 ball;
QR Konstitýtsiiasynyń negizderi boiynsha keminde – 9 ball;
Qazaqstan tarihy boiynsha – keminde 15 ball jinaýy kerek.
Testileýge beriletin jalpy ýaqyt 2 saǵat 10 minýtty quraidy.
Múmkindigi shekteýli tulǵalarǵa (múgedektigi bar) testileý úshin qosymsha 30 minýt beriledi.
Test tapsyrýdan kelesiler bosatylady:
Kámeletke tolmaǵandar;
Áreketke qabiletsiz adamdar;
Qazaqstan Respýblikasyna sińirgen airyqsha eńbegi bar ne Qazaqstan Respýblikasynyń Prezidenti belgileitin tizbe boiynsha kásipterge ie jáne talaptarǵa sai keletin adamdar;
Etnostyq qazaqtar;
Qazaqstan Respýblikasy ratifikatsiialaǵan halyqaralyq sharttar negizinde jeńildetilgen tártippen Qazaqstan Respýblikasynyń azamattyǵyn alýǵa quqyǵy bar adamdar.
Testileýge qatysý úshin ótinishterdi qabyldaý kelesi merzimderde júzege asyrylady:
10-20 qańtar aralyǵy;
10-20 sáýir aralyǵy;
10-20 shilde aralyǵy;
10-20 qazan aralyǵy.
