Búgin Májiliste kóshi-qon máseleleri týraly zań jobasy tanystyryldy. Zań jobasyn Eńbek jáne halyqty áleýmettik qorǵaý vitse-ministri Ahmadi Sarbasov tanystyrdy, – dep habarlaidy Baq.kz.
Ol óz sózinde syrtqy eńbek kóshi-qony salasyndaǵy ózgerister men tolyqtyrýlarǵa da toqtaldy.
"Qoldanystaǵy zańnamaǵa sáikes bizdiń ministrlik arqyly beriletin biliktiliginiń sáikestigi týraly anyqtamasy boiynsha joǵary bilikti sheteldikter óz betinshe jumysqa ornalasa alady. Sońǵy 3 jylda barlyǵy 11 adam ótinish bildirip, tiisti anyqtamalar alǵan. Osyǵan bailanysty, bul quzyretti jergilikti atqarýshy organdardyń deńgeiine berý usynylady", - dedi Ahmadi Sarbasov.
Vitse-ministrdiń aitýynsha, shaǵyn kásipkerlik sýbektileriniń eńbekshi kóship kelýshilerdi tiisti ruqsat almai, zańsyz qyzmetke tartý faktileri kóp kezdesedi. Osyǵan bailanysty, aiyna 8 ailyq eseptik kórsetkish salyq alymdaryn tóleý arqyly ShJK tartýdyń qoldanystaǵy tetigine sáikes, eńbekshi kóship kelýshilerdi «maýsymdyq jumysshylarǵa» teńestirý usynylady. Bul rette, maýsymdyq jumysshylarǵa jumysqa qabyldanýy úshin kásipter tizbesi anyqtalady.
"Kóshi-qon protsesteriniń quqyqtyq bazasyn keńeitý jáne zańsyz kóshi-qonǵa jol bermeý maqsatynda tómendegiler usynylady. Birinshiden, sheteldikterge turaqty turýǵa ruqsat berý úshin 4 ailyq eseptik kórsetkish mólsherinde memlekettik baj salyǵyn engizý. Ekinshiden, ulttyq zańnamada readmissiiaǵa arnalǵan quqyqtyq negizderdiń joqtyǵynan ulttyq zańnamaǵa readmissiia týraly halyqaralyq erejelerdi engizý usynylady. Úshinshiden, atqarýshylyq is júrgizý boiynsha bereshegi bar adamdardyń ketýine shekteýler kózdelgen tolyqtyrýlar engizý", - dedi Sarbasov.
Vitse-ministr məlimetinshe, tórtinshiden, Qazaqstan Respýblikasynyń azamattyǵyn alý tártibin jeńildetý úshin 183 kúnnen kem turý jáne ákimshilik quqyq buzýshylyqtardyń bolýy boiynsha zańnamalyq normalar qoldanylmaityn adamdar sanatyn (etnikalyq qazaqtar, azamattyǵy joq adamdar, 1974 jylǵy KSRO tólqujattary, sondai-aq Konventsiiaǵa sáikes nekede turǵan áielder) aiqyndaý kózdelgen.
Atap ótsek, buǵan deiin Ahmadi Sarbasov etnikalyq kóshi-qon salasyna da ózgerister engiziletinin aitqan bolatyn.
Búgin Májiliste «Qazaqstan Respýblikasynyń keibir zańnamalyq aktilerine kóshi-qon protsesterin retteý máseleleri boiynsha ózgerister men tolyqtyrýlar engizý týraly» zań jobasy tanystyryldy. Otyrysqa Májilis depýtattary, Ishki ister, Syrtqy ister, Qarjy, Ádilet jáne Ulttyq ekonomika ministrlikteriniń, memlekettik organdardyń, úkimettik emes uiymdardyń ókilderi men sarapshylar qatysty.
