Ishki ister ministri Marat Ahmetjanov Qazaqstannyń azamattyq týraly zańnamasy qalai jetildiriletinin aitty, dep habarlaidy Sputnik Qazaqstan.
"Birinshiden, Qazaqstannyń azamattyǵyn alý úshin memlekettik tildi, bizdiń tarihymyz ben Konstitýtsiiamyzdy qarapaiym deńgeide bilýge mindetti bolady. Ekinshiden, qos azamattyq faktilerine jaýaptylyqty qatańdatý kózdelip otyr", - dedi Ahmetjanov Úkimet otyrysynda.
Eger adam Qazaqstan azamatynyń jeke basyn rastaityn qujattardy alǵannan keiin basqa eldiń azamattyǵyn rastaityn qujatty paidalansa, kóshi-qon qyzmeti ony Qazaqstan azamattyǵynan aiyrady.
Sondai-aq eger adam azamattyqty alǵannan keiin 6 ai ishinde burynǵy eldiń azamattyǵyn toqtatatyny týraly anyqtama usynbasa, olar da Qazaqstan azamattyǵynan aiyrylady.
Ministrdiń aitýynsha, qoldanystaǵy zańnamada mundai sharalar qarastyrylmaǵan.
