Ońtústik Koreiadan Qazaqstan azamattaryn evakýatsiialaý máselesi kóterilgen joq. Bul týraly QR Syrtqy ister ministrliginiń resmi ókili Aibek Smadiiarov aitty, dep habarlaidy "Ult aqparat".
Koronavirýs anyqtalǵan elderdegi bizdiń Elshilikter kúsheitilgen jumys rejimine kóshkeni belgili. Elshilikterdiń áleýmettik jelilerdegi paraqshalary men resmi saittarynda konsýldyq esepke turý qajetti týraly aqparat jariialanǵan. Máselen, ótken brifingte biz Ońtústik Koreiada 800-den azamatymyzdyń konsýldyq esepte turǵanyn aitsaq, búginde olardyń sany 1,5 myńǵa jetip otyr. Ózderińizde bilesizder, ol jaqta 35 myń azamatymyz bar. Ázirshe olardy evakýatsiialaý máselesi kóterilip otyrǵan joq», - dedi Aibek Smadiiarov.
Resmi ókil Qazaqstan men Ońtústik Koreia arasynda turaqty áýe reisteriniń bar ekendigin aitty. Degenmen, olardyń sanynyń qysqarǵanyn eskertip ótti.
