Janat Túsipbekov aldaǵy tórt jylǵa Qazaqstan Aýyr atletika federatsiiasynyń prezidenti bolyp qaita sailandy, dep habarlaidy «SPORTINFORM» SAA.
Astanadaǵy federatsiia sailaý konferentsiiasynyń qatysýshylary Túsipbekovtyń qaita sailanýyn biraýyzdan qoldaǵan.
QR AAF prezidenti Janat Túsipbekov atap ótkendei, ol antidpingtik saiasatty kúsheitý jumystaryn jalǵastyrady jáne sportshylardy áleýmettik qoldaý sharalaryn júzege asyrady.
Sondai-aq, jergilikti aýyr atletika federatsiialaryn damytyp, investitsiia tartpaq.
«Halyqaralyq aýyr atletika federatsiiasynyń prezidenti, bas hatshy, bes qurlyqtyq federatsiia prezidentteri bir is-sharada bas qosýy óte sirek jaǵdai. Bul -elimizdegi aýyr atletika sporty salasyndaǵy Janat Túsipbekovtiń ornynyń qandai ekenin bildiredi», - dedi QR AAF bas hatshysy Omar Mustafin.
