2020 jylǵy 14 aqpanda Qazaqstan Respýblikasy UQK jedel-izdestirý is-sharalaryn uiymdastyrý nátijesinde Almaty qalasynda destrýktivti dini aǵymnyń 2 ustanýshysyn ustap, sot sanktsiiasymen qamaýǵa aldy, dep habarlaidy "Ult aqparat".
Olardyń meken-jailary boiynsha tergeý is-qimyldaryn júrgizý barysynda qoldan jasalǵan jarylǵysh qurylǵy, ony jasaýǵa arnalǵan quramdas bólikter, sýyq qarý, shabýyldaý kózdelgen obektilerdiń foto jáne beine túsirilimderi bar smartfondar alyndy.
Kórsetilgen adamdarǵa qatysty terrorizm aktisine daiyndalý (QR QK 255-baby) jáne terrorizmdi nasihattaý (QR QK 256-baby) faktileri boiynsha qylmystyq ister qozǵaldy.
Tergeý materialdary boiynsha, qamaýǵa alynǵan adamdar respýblika aýmaǵynda, sonyń ishinde adamdar kóp shoǵyrlanǵan oryndarda terroristik aktiler daiyndaǵan. Tergeý jalǵasýda.
