Jyl basynan beri Qazaqstan aýmaǵynan 2,5 myń zańsyz migrant óz erikterimen shyqty. Bul týraly QR Ishki ister ministrliginiń resmi ókili Nurdildá Oraz málim etti, dep habarlaidy QazAqparat.
«Ishki ister ministrligi pandemiia bastalǵan sátten daǵdarysqa qarsy turaqtandyrý, onyń ishinde migranttardyń quqyqtaryn qorǵaý is-sharalaryn júrgizdi. Qazaqstanda bolýǵa ruqsat qujattarynyń merzimi ótken sheteldikterdiń quqyqtyq mártebesin anyqtaý nemese olardy úshinshi el arqyly elden shyǵýlaryn uiymdastyrý jumystaryn uiymdastyrdy. IIM Kóshi-qon qyzmetiniń, shet memleketterdiń ókildikteriniń jáne Halyqaralyq kóshi-qon uiymnyń járdemimen mundai adamdarǵa ruqsat qujattaryn rásimdeýge kómek kórsetildi», - dedi Nurdildá Oraz.
Onyń dereginshe, jyl basynan beri tólqujattarynyń merzimi ótken 675 sheteldik eline oralý úshin kýálik aldy. Sonymen qatar politsiia qyzmetkerleri 2,5 myń zańsyz migranttyń el aýmaǵynan óz erikterimen shyǵýyna kómek kórsetti.
«Degenmen, barlyq sheteldik qujattaryn rettemegen nemese Qazaqstan Respýblikasy aýmaǵynan shyǵyp ketpegen», - dedi resmi ókil.
