Foto ©REUTERS
Sinoptikter Qazaqstanda 4-6 qarashada aýa raiy qandai bolatyny týraly boljam jasady, - dep habarlaidy "Ult aqparat".
Boljam boiynsha, kezeńniń basynda Qazaqstan aýmaǵy arqyly tereń Atlantikalyq tsiklon ótedi. Respýblikanyń soltústiginde, soltústik-batysynda, ortalyǵy men shyǵysynda jańbyr men qar túrindegi jaýyn-shashyn, shyǵysta qatty jaýyn-shashyn, kóktaiǵaq, jeldiń kúsheiýi kútiledi. Alaida, 4 qarashada tsiklonnyń sońynan batystan antitsiklon jyljidy, sol sebepti tústen keiin jaýyn-shashynnyń birtindep toqtaýy jáne temperatýranyń tómendeýi kútiledi.
"Aýa temperatýrasy túnde elimizdiń soltústiginde, shyǵysynda jáne ortalyǵynda 3-15 gradýs aiazǵa deiin, kúndiz 3 gradýs aiaz - 8 gradýs jyly, ońtústik jáne ońtústik-shyǵysta túngi ýaqytta 2 gradýs aiaz - 5 gradýs jyly, taýly aimaqtarda 5-10 gradýs aiaz, kúndiz 5-15 gradýs jylyǵa deiin tómendeidi. Qazaqstan boiynsha túnde jáne tańerteń tuman bolady dep boljanyp otyr" - delingen habarlamada.
