Qazaqstan Aýǵanstannan 42 adamdy evakýatsiialady. Bul týraly QR Qorǵanys ministrliginiń baspasóz qyzmetinen málim boldy, dep habarlaidy "Ult aqparat".
«Búgin saǵat 17:00-de QR Áskeri áýe kúshteriniń S-295 áskeri-kólik ushaǵy Aýǵanstannan evakýatsiialanǵan 42 jolaýshymen Almatyǵa sátti qondy. Qazaqstanǵa 25 Qazaqstan azamaty, onyń ishinde 15 eresek adam jáne 10 bala, sondai-aq QR Elshiliginiń qyzmetkerleri keldi», - delingen ministrlik málimetinde.
Odan basqa, osy bortpen Qyrǵyzstan tarapynyń ótinishi boiynsha bul eldiń 14 azamaty evakýatsiialandy. Gýmanitarlyq operatsiia retinde osy ushaqpen QR Elshiligine kómek surap júgingen 1 Resei azamaty men 1 Litva azamaty AIR-dan shyǵaryldy.
«Qazaqstan Respýblikasy árdaiym sheteldegi óz azamattarynyń múddeleri men quqyqtaryn qorǵaidy», - dep atalyp ótken habarlamada.
