Qazaqstan astanasynyń ataýy Nursultan dep ózgertildi, dep habarlaidy "Ult aqparat".
Búgin Parlament Palatalarynyń birlesken otyrysy ótip, onda elorda ataýyn Nursultan qalasy dep ózgertý týraly másele qaraldy.
"Qazaqstan Konstitýtsiiasyna sáikes Úkimet astananyń ataýyn ózgertý týraly túzetý engizý úshin respýblikalyq referendým ótkizý jóninde Qazaqstan Prezidentine usynys jasady. Prezident bul usynysty referendýmǵa shyǵarmai, Parlamenttiń qaraýyna jiberý týraly sheshim qabyldady", - dedi Májilis tóraǵasy Nurlan Nyǵmatýlin.
Ol bul másele boiynsha Konstitýtsiialyq keńes óziniń oń qorytyndysyn bergenin atap ótti.
"Memleket basshysy Konstitýtsiianyń 91-baby 1-tarmaǵyna sáikes, Parlamenttiń qaraýyna Qazaqstan Konstitýtsiiasyna ózgerister engizý týraly Qazaqstan Respýblikasy zańynyń jobasyn engizdi. Bul joba respýblika astanasynyń ataýyn Astana qalasynan Nursultan qalasyna ózgertýdi kózdeidi. Usynǵan túzetýlerdi qoldaýyńyzdy suraimyn", - dedi prezident ákimshiligi basshysynyń orynbasary Áliia Raqysheva.
Qos Palata depýtattary zań jobasyn eki oqylymda da maquldady.
"Tarihi sheshim qabyldandy", - dedi Nyǵmatýlin.
Aita keteiik, Nursultan Nazarbaevtyń qurmetine elimizde jáne elordamyzda birqatar nysandar atalǵan. 2017 jyly Halyqaralyq áýejaiǵa Nursultan Nazarbaevtyń esimi berilse, dál sol jyly Almatydaǵy burynǵy Fýrmanov kóshesiniń ataýy da Nazarbaev dańǵyly bolyp ózgertilgen edi.
