Ujymdyq qaýipsizdik týraly shart uiymynyń Bas hatshysy Stanislav Zas «Nursultan Nazarbaev: Jahandyq aýqymdaǵy saiasatker» atty halyqaralyq konferentsiiada Qazaqstannyń jáne Elbasynyń aimaq qaýipsizdigin qamtamasyz etýdegi mańyzdy róli týraly aityp berdi, dep habarlaidy QazAqparat.
«Sizderdiń elderińiz búginde Ortalyq Aziiada kósh bastap tur, osy aimaqtyń qaýipsizdigin qamtamasyz etýde mańyzdy ról atqarady. Respýblika kóptegen sátti reformalardyń úlgisi retinde tanyldy. Elde áleýmettik kelisim, tarihi jáne mádeni dástúrler saqtalýda. Nursultan Ábishuly Nazarbaevtyń 30 jyldyq kóshbasshylyǵy boiyna Qazaqstannyń jalpy ishki ónimi 6 eseden joǵary ósti. Azamattardyń ál-aýqaty da jaqsardy. Osynyń bári Qazaqstan halqynynyń jetistigi jáne kóbine ol elderińizdiń Tuńǵysh Prezidentiniń eńbegi», – dedi Stanislav Zas.
Sonymen qatar, ol Nur-Sultan qalasy ómir súrýge qolaily shahar ekenin tilge tiek etti.
«Men Qazaqstanyń astanasynda birneshe ret boldym. Búginde bul qazaqstandyqtar ómir súrýge umtylatyn óte ádemi, zamanaýi, jaily, jyldam ósip kele jatqan megapolis. 1994 jyly osy saiyn daladaǵy orasan kúrdeli qurylystyń sátti bolashaǵyna kóp adam sene qoiǵan joq. Búgingi tańda Qazaqstan Respýblikasynyń astanasy tyń jerdiń marjanyna ainaldy, jáne bul marjannyń atyn qazaqstandyqtar – Nur-Sultan dep beker qoimaǵan. Kózi kórgenderdiń, osy jerde turǵylyqty turǵyndarynyń aitýynsha, kei kezde qys aiazy 50 gradýsqa deiin jetetin bul baitaq dala qazirde áldeqaida jylyna túsken», - dedi S. Zas.
Uiym basshysy qaýipsizdik júiesindegi ózgeristerge jeke toqtaldy.
«Búginde Qazaqstan Respýblikasynyń Tuńǵysh Prezidentiniń arqasynda, Ujymdyq qaýipsizdik týraly shart uiymy Eýraziia keńistiginde qaýipsizdikti qamtamasyz etetin halyqaralyq, kópfýnktsionaldy, aimaqtyq saiasi qurylym retinde qalyptasty. Onyń saiasi bedeli uiymnyń damý isine budan bylai da qyzmet etetinine senimdimin», - dedi Stanislav Zas.
.jpeg)