Qazaqstan qorǵanys qabiletiniń shyǵyndaryn 20%-ǵa arttyrdy: osy jyldyń eki aiynda áskerdi damytýǵa 80 milliard teńgege jýyq qarjy jumsaldy, dep habarlady Finprom agenttigi.
Qańtar-aqpanda memlekettik biýdjetten qarastyrylǵan jalpy shyǵyn 1,9 trillion teńgege jetti.
"Onyń ishinde 2018 jyldyń qańtar-aqpanynda qorǵanysqa 78,9 milliard teńge bólindi, bir jyl buryn 65,9 milliard teńge jumsalǵan bolatyn (ósim — 19,8%)", — dep jazylǵan habarlamada.
2017 jyly jergilikti biýdjetter qorǵanysqa 30 milliard teńgege tarta qarjy bólgen. Bul salaǵa eń kóp qarjyny Qazaqstannyń úsh óńiri quidy: Almaty qalasy, Almaty jáne Ońtústik Qazaqstan oblystary.
• Almaty — 5,3 milliard teńge;
• Almaty oblysy – 4,1 milliard teńge;
• Ońtústik Qazaqstan oblysy — 3,4 milliard teńge.
