Foto: Tengrinews.kz
Ádilet vitse-ministri Alma Muqanova Qaraǵandy shahtasyndaǵy apat úshin investordy jaýapkershilikke tartý múmkindigine qatysty suraqqa jaýap berdi, dep habarlaidy Kazinform agenttigi.
«Osy fakti boiynsha ónerkásiptik ári tehnikalyq qaýipsizdik erejeleriniń saqtalýyna jaýapty adamdar, sondai-aq tergeý organdary tiisti tekserý jasap jatqany belgili. Osy tragediia boiynsha áreketterde quqyq buzý belgileri anyqtalsa, onda tergeý nátijesine qarai jaýapkershilik qarastyrylady. Árine, jaýapkershilik bar, biraq onyń qandai sipatta bolatyny tergeý amaldarynan keiin aiqyndalady», – dedi Muqanova Parlament Májilisinde tilshiler suraǵyna jaýap bere otyryp.
Tilshiler vitse-ministrden: «Sheteldik azamatty (investordy - esk.) qylmystyq jaýapkershilikke tartyp, túrmege jabý tehnikalyq turǵydan múmkin be?», – dep surady.
«Jalpy, Qylmystyq kodekste qylmysty Qazaqstan Respýblikasynyń azamaty nemese shetel azamaty jasady dep bólmeidi. Máselen, Qazaqstan aýmaǵynda sheteldik azamat basqa adamnyń ómiri men densaýlyǵyna ziian keltirse, onda ol Qylmystyq kodekstiń baptary boiynsha jaýapkershilikke tartylady», — dep túsindirdi Alma Muqanova.
Eske salaiyq, 28 qazan kúni túngi saǵat 02.33-te Qaraǵandy oblysyndaǵy Kostenko atyndaǵy shahtada órt tutanyp, artynan jarylys boldy. Jer astynda jumys istep jatqan 252 kenshiniń 206-sy óz betimen kóterildi.
Aýrýhanalarǵa 28 adam jetkizildi.
Búgin, 31 qazanda 45 kenshiniń denesi jáne qaza tapqan 46-shy adamnyń dene bólshekteri tabylǵany málim etildi.
