Foto: QR QM
Qazaqstanda PSY-táýekel dep atalatyn áskerge shaqyrylýshylardy psihologiialyq irikteýdiń jańa ádistemesi kezeń-kezeńimen engizile bastady. Bul júie jas sarbazdardyń psihoemotsionaldy turaqtylyǵyn baǵalap, sýitsidtik minez-qulyqqa beiim jastardy erte anyqtaýǵa baǵyttalǵan, dep habarlaidy Ult.kz.
Inovatsiialyq ádistemeni Qorǵanys ministrliginiń áskeri psihologtary ázirlegen. Ol biylǵy 2025 jylǵy kóktemgi áskerge shaqyrý kezinde synaqtan sátti ótti. Tekserý nátijesinde 470-ten astam shaqyrylýshyda sýitsidke beiimdilik belgileri anyqtalyp, olar áskerge alynǵan joq nemese qosymsha tekserýge jiberildi.
Jańa júie birneshe kezeńnen turatyn psihodiagnostikalyq súzgiden quralǵan:
-
bastapqy skrining
-
tereń psihologiialyq zertteý
-
qajet jaǵdaida psihiatriialyq saraptama
Maqsat – psihikalyq turǵydan daiyn emes azamattardy áskerge jibermeý arqyly Qarýly kúshter qatarynda qaiǵyly jaǵdailardyń aldyn alý.
PSY-táýekeldi engizý máselesi QR QK Ulttyq áskeri-patriottyq ortalyǵynda ótken vedomstvoaralyq jumys toby otyrysynda talqylandy. Jiynǵa Qorǵanys, Ishki ister, Densaýlyq saqtaý, Ǵylym jáne joǵary bilim ministrlikteriniń ókilderimen qatar, UQK, Memlekettik kúzet qyzmeti jáne ózge de qurylymdardyń mamandary qatysty.
Júie barlyq óńirde kezeń-kezeńimen engiziledi. Mamandardyń aitýynsha, PSY-táýekel ádistemesi irikteýdiń sapasyn arttyryp, armiiadaǵy oqys jaǵdailardy azaitýǵa jáne jas sarbazdardyń psihikalyq densaýlyǵyn qorǵaýǵa kómektesedi.
