Foto: factroom.ru
Qazaqstan arhiv mekemeleriniń 2025 jyldyń alǵashqy alty aiyndaǵy qyzmeti nátijeli boldy. Bul týraly QR Mádeniet jáne aqparat ministrliginiń baspasóz qyzmeti málimdedi.
Biyl arhiv qoryna 74 myń is qosylyp, Ulttyq arhiv qorynyń jalpy kólemi 27,9 million saqtaý birligine jetti. Bul ótken jylmen salystyrǵanda 300 myń saqtaý birligine artyq.
Memleket basshysy Qasym-Jomart Toqaev Ulttyq quryltaidyń IV otyrysynda arhiv salasyn tsifrlandyrýdyń, Ulttyq tsifrlyq arhiv qurýdyń jáne qujattarǵa otandyq ári sheteldik neirojeli ázirleýshilerine qoljetimdilikti qamtamasyz etýdiń mańyzyn atap ótken bolatyn.
Qazirgi tańda 2,6 millionnan astam saqtaý birligi tsifrlyq formatqa kóshirildi, onyń 123 myńnan astamy – osy jyly jedeldetilgen tártippen sandyq júiege aýystyrylǵan.
Sonymen qatar, arhivtegi tarihi qujattardy sapaly saqtaý úshin mamandandyrylǵan konservatsiia jáne restavratsiia jumystary jalǵasýda. Jarty jyl ishinde 10 myń saqtaý birligine tiesili 150 myń bet qalpyna keltirildi.
Arhivterge degen suranys ta artyp keledi. Byltyr jeke jáne zańdy tulǵalar tarapynan 2,2 millionnan astam saqtaý birligi suratylsa, biyldyń ózinde 600 myńnan astam suranys tirkelgen.
Ministrlik arhiv isiniń strategiialyq mańyzyn atap ótip, bolashaq urpaqqa tarihi muralardy jetkizý úshin bul baǵyttaǵy jumystar júieli túrde jalǵasa beretinin habarlady.
