Qazaqstan internetke kóshý men tsifrlandyrýdyń joǵary qarqynymen erekshelenedi, dep habarlaidy QazAqparat ranking.kz saityna silteme jasap.
Osylaisha 6 jáne odan joǵary jastaǵy qazaqstandyqtardyń tsifrlyq saýattylyq deńgeii 2021 jyly jalpy halyqtyń 85,3%-yn qurady. Bul elimizdegi árbir bes tutynýshynyń tórteýi derbes kompiýter, smartfon, planshet, noýtbýkty paidalanýǵa daǵdylanǵanyn, sondai-aq standartty baǵdarlamalardy paidalanyp jáne Internet arqyly qyzmet ala alatynyn tanytyp otyr. Bul rette úi sharýashylyqtaryn uialy telefondarmen qamtamasyz etý qazirdiń ózinde 99,4%-dy qurap otyr. Bul rette respýblikada mobildi internet quny álemdegi eń tómen kórsetkishke ie. Osylaisha, 2022 jylǵa arnalǵan Internetke qoljetimdilik indeksiniń sońǵy reitingine sáikes Qazaqstan internettiń eń tómen tarifteri boiynsha 8-orynǵa ie boldy. Qazaqstandyqtar 1 GB mobildi internet úshin nebári $0,8 tóleidi.
Onyń ústine Qazaqstanda tarifter quny tómendep barady: bir jyl buryn bul kórsetkish 0,9 AQSh dollaryn quraǵan.
Salystyrmaly túrde, kórshiles Ózbekstanda aiyna 1 GB úshin 1,3 AQSh dollary, Tájikstanda – 3,5 AQSh dollar tólense, internet tarifi 17,5 dollarǵa jetken Túrikmenstan Afrika elderi jáne aral memleketterimen birge aýtsaiderler qataryna kirdi. Mobildi interneti qoljetimdi elder ondyǵyna Qazaqstannan basqa Resei, Qyrǵyzstan jáne Belarýs kirdi.
Sarapshylardyń paiymynsha Qazaqstandaǵy mobildi internetpen qamtýdyń joǵary deńgeii – 96% quraidy.
