قازاقستان ينتەرنەتكە كٶشۋ مەن تسيفرلاندىرۋدىڭ جوعارى قارقىنىمەن ەرەكشەلەنەدٸ, دەپ حابارلايدى قازاقپارات ranking.kz سايتىنا سٸلتەمە جاساپ.
وسىلايشا 6 جەنە ودان جوعارى جاستاعى قازاقستاندىقتاردىڭ تسيفرلىق ساۋاتتىلىق دەڭگەيٸ 2021 جىلى جالپى حالىقتىڭ 85,3%-ىن قۇرادى. بۇل ەلٸمٸزدەگٸ ەربٸر بەس تۇتىنۋشىنىڭ تٶرتەۋٸ دەربەس كومپيۋتەر, سمارتفون, پلانشەت, نوۋتبۋكتى پايدالانۋعا داعدىلانعانىن, سونداي-اق ستاندارتتى باعدارلامالاردى پايدالانىپ جەنە ينتەرنەت ارقىلى قىزمەت الا الاتىنىن تانىتىپ وتىر. بۇل رەتتە ٷي شارۋاشىلىقتارىن ۇيالى تەلەفوندارمەن قامتاماسىز ەتۋ قازٸردٸڭ ٶزٸندە 99,4%-دى قۇراپ وتىر. بۇل رەتتە رەسپۋبليكادا موبيلدٸ ينتەرنەت قۇنى ەلەمدەگٸ ەڭ تٶمەن كٶرسەتكٸشكە يە. وسىلايشا, 2022 جىلعا ارنالعان ينتەرنەتكە قولجەتٸمدٸلٸك يندەكسٸنٸڭ سوڭعى رەيتينگٸنە سەيكەس قازاقستان ينتەرنەتتٸڭ ەڭ تٶمەن تاريفتەرٸ بويىنشا 8-ورىنعا يە بولدى. قازاقستاندىقتار 1 گب موبيلدٸ ينتەرنەت ٷشٸن نەبەرٸ $0,8 تٶلەيدٸ.
ونىڭ ٷستٸنە قازاقستاندا تاريفتەر قۇنى تٶمەندەپ بارادى: بٸر جىل بۇرىن بۇل كٶرسەتكٸش 0,9 اقش دوللارىن قۇراعان.
سالىستىرمالى تٷردە, كٶرشٸلەس ٶزبەكستاندا ايىنا 1 گب ٷشٸن 1,3 اقش دوللارى, تەجٸكستاندا – 3,5 اقش دوللار تٶلەنسە, ينتەرنەت تاريفٸ 17,5 دوللارعا جەتكەن تٷرٸكمەنستان افريكا ەلدەرٸ جەنە ارال مەملەكەتتەرٸمەن بٸرگە اۋتسايدەرلەر قاتارىنا كٸردٸ. موبيلدٸ ينتەرنەتٸ قولجەتٸمدٸ ەلدەر وندىعىنا قازاقستاننان باسقا رەسەي, قىرعىزستان جەنە بەلارۋس كٸردٸ.
ساراپشىلاردىڭ پايىمىنشا قازاقستانداعى موبيلدٸ ينتەرنەتپەن قامتۋدىڭ جوعارى دەڭگەيٸ – 96% قۇرايدى.
