Foto: Elevatorist.com
Qasym-Jomart Toqaev ǵalymdarmen kezdesý kezinde qazirgi álemdik ahýalǵa toqtaldy, dep habarlaidy Ult.kz.
"Kóptegen sarapshylar álemniń sońǵy ondaǵan jylda bolmaǵan eń aýyr ekonomikalyq daǵdarys tabaldyryǵynda turǵanyn eskertýde. Alpaýyt memleketter arasynda bastalǵan «tarif maidany» óndiris pen saýda tizbegin buzyp, naryqtardy quldyraýǵa ushyratty, sondai-aq shikizat baǵamynyń turaqsyzdanýyna alyp keldi. Bul jaǵdaidyń barlyq elderge, sonyń ishinde Qazaqstanǵa da áser etetini sózsiz", - dedi Prezident.
Memleket basshysy Qasym-Jomart Toqaev qalyptasqan ekonomikalyq ahýalǵa bailanysty Úkimetke jáne jergilikti atqarýshy organdarǵa naqty tapsyrmalar berdi.
"Joǵary tarifter engizýge 90 kúndik moratorii jariialanǵanymen, naryqtaǵy jaǵdai óte turaqsyz. Sondyqtan biz ekonomikalyq dúrbeleńniń Qazaqstan ekonomikasyna tigizetin saldaryn joiýǵa kúsh salýdamyz. Alaida dúrligýge negiz joq. Biz syn-qaterlerdi ózimizdiń basym baǵyttarymyzǵa súiene otyryp eńserip kelemiz. Syrtqy qolaisyz faktorlarǵa qaramastan, elimiz damý jolyn jalǵastyra beredi", – dedi Memleket basshysy.
Prezidenttiń aitýynsha, negizgi infraqurylymdyq jobalar men basqa da bastamalar tolyǵymen júzege asyrylyp, ekonomikalyq ósim qarqyny men investitsiia kólemi tómendemeidi.
"Daǵdarys – basshylyq qyzmettegi azamattardyń iskerlik qabiletin tekseretin ýaqyt. Bul jańa múmkindikterge de jol ashady. Biz ulttyq ekonomikanyń ornyqtylyǵy men áleýmettik turaqtylyqty saqtaý úshin barlyq syn-qaterge daiyn bolýymyz qajet. Jumysty baiyppen ári senimdi túrde atqarýymyz kerek", – dep atap ótti Qasym-Jomart Toqaev.
Sarapshylardyń pikirinshe, Qazaqstannyń daǵdarysqa qarsy is-qimyl jospary eldiń ekonomikalyq turaqtylyǵyn saqtaýǵa baǵyttalǵan mańyzdy qadam bolmaq.
