Byltyr agroónerkásiptik keshen ónimderiniń eksporty 6,4 paiyzǵa ulǵaidy. Bul týraly Aýyl sharýashylyǵy ministri Saparhan Omarov málim etti, dep habarlaidy "Ult aqparat".
«2019 jyldyń qańtar-jeltoqsanynda aýyl sharýashylyǵynyń jalpy ónim kólemi 2018 jylmen salystyrǵanda 0,9 paiyzǵa ulǵaiyp, 5,2 trln teńgeni qurady. Bul rette mal sharýashylyǵy ónimin óndirý 4 paiyzǵa artyp, ósimdik sharýashylyǵy ónimin óndirý 2019 jylǵy qolaisyz aýa raiy jaǵdailaryna bailanysty 1,7 paiyzǵa tómendedi», - dedi ministr Parlament Májilisindegi Úkimet saǵatynda.
Onyń sózine qaraǵanda, aýyl sharýashylyǵynyń negizgi kapitalyna salynǵan investitsiialar 41,1 paiyzǵa artyp, 501,6 mlrd teńgeni qurady.
«Agroónerkásiptik keshen ónimderiniń eksporty 6,4 paiyzǵa ulǵaiyp, 3,3 mlrd AQSh dollaryn qurady», - dedi Saparhan Omarov.
