بىلتىر اگروٶنەركەسٸپتٸك كەشەن ٶنٸمدەرٸنٸڭ ەكسپورتى 6,4 پايىزعا ۇلعايدى. بۇل تۋرالى اۋىل شارۋاشىلىعى مينيسترٸ ساپارحان وماروۆ مەلٸم ەتتٸ, دەپ حابارلايدى "ۇلت اقپارات".
«2019 جىلدىڭ قاڭتار-جەلتوقسانىندا اۋىل شارۋاشىلىعىنىڭ جالپى ٶنٸم كٶلەمٸ 2018 جىلمەن سالىستىرعاندا 0,9 پايىزعا ۇلعايىپ, 5,2 ترلن تەڭگەنٸ قۇرادى. بۇل رەتتە مال شارۋاشىلىعى ٶنٸمٸن ٶندٸرۋ 4 پايىزعا ارتىپ, ٶسٸمدٸك شارۋاشىلىعى ٶنٸمٸن ٶندٸرۋ 2019 جىلعى قولايسىز اۋا رايى جاعدايلارىنا بايلانىستى 1,7 پايىزعا تٶمەندەدٸ», - دەدٸ مينيستر پارلامەنت مەجٸلٸسٸندەگٸ ٷكٸمەت ساعاتىندا.
ونىڭ سٶزٸنە قاراعاندا, اۋىل شارۋاشىلىعىنىڭ نەگٸزگٸ كاپيتالىنا سالىنعان ينۆەستيتسييالار 41,1 پايىزعا ارتىپ, 501,6 ملرد تەڭگەنٸ قۇرادى.
«اگروٶنەركەسٸپتٸك كەشەن ٶنٸمدەرٸنٸڭ ەكسپورتى 6,4 پايىزعا ۇلعايىپ, 3,3 ملرد اقش دوللارىن قۇرادى», - دەدٸ ساپارحان وماروۆ.
