Qazaqstan men Ońtústik Koreia atom energiiasyn damytý salasyndaǵy strategiialyq seriktestikti nyǵaityp jatyr, dep habarlaidy "Ult aqparat".
28 maýsymda Ońtústik Koreianyń Seýl qalasynda Energetika vitse-ministri Jandos Nurmaǵanbetov bastaǵan qazaqstandyq delegatsiia men Ońtústik Koreianyń Saýda, ónerkásip jáne energetika ministrliginiń ókilderi, sondai-aq iadrolyq tehnologiialardy jetkizýshi – Korea Hydro & Nuclear Power (KHNP) kompaniiasy arasynda kezdesý ótti.
Jiyn barysynda «Qazaqstandyq atom elektr stantsiialary» JShS men KHNP arasynda atom energetikasyn damytý salasyndaǵy Ózara túsinistik týraly memorandýmǵa qol qoiyldy.
Bul memorandým Qazaqstan men Ońtústik Koreia arasyndaǵy atom energiiasyn damytý salasyndaǵy strategiialyq áriptestikti nyǵaitýǵa yqpal etedi.
Aita keteiik, KHNP kompaniiasy - Ońtústik Koreianyń 24 AES-ine ielik etetin jáne basqaratyn KEPCO enshiles uiymy. AES qýaty boiynsha KHNP álemde 3-shi orynda jáne tehnikalyq-ekonomikalyq negizdemelerdi ázirleýden bastap, AES salý jáne paidalanýǵa berýge deiin stantsiia konstrýktsiialaryn túrlendirý men jetildirý boiynsha tehnikalyq kómek kórsetedi.
Qazirgi ýaqytta KHNP Birikken Arab Ámirlikterinde APR-1400 reaktory bar Barak AES-niń 4 energiia blogyn salý boiynsha jobany iske asyryp jatyr. Onyń ekeýi 2020-2021 jyldary paidalanýǵa berildi.
