Qazaqstan Ázerbaijan, Grýziia jáne Túrkiia elderimen Kaspii arqyly júk tasityn birlesken kásiporyn qurmaqshy, dep habarlaidy QazAqparat.
Bul týraly QR Indýstriia jáne infraqurylymdyq damý ministri Qaiyrbek Óskenbaev Úkimet otyrysynda málim etti.
«Biz, eksporttyq jáne tranzittik júkterdi tasymaldaý úshin balamaly baǵdarlar men dálizderdi pysyqtadyq. Ministrlik júkterdi jetkizýdiń logistikalyq tizbekteriniń buzylýyn boldyrmaý boiynsha jedel sharalar qabyldady. Eksporttyq júkter Latviia porttaryna jáne Transkaspii halyqaralyq kólik baǵdaryna baǵyttalady. Transkaspii baǵdary sheńberinde Ázerbaijan, Grýziia jáne Túrkiia elderimen birlesken kásiporyn qurý týraly kelisimge qol jetkizildi», - degen ministr «Aqtaý teńiz porty» arnaiy ekonomikalyq aimaǵynda «Konteinerlik hab» qurý josparlanyp otyrǵanyn jetkizdi.
«Osy jobany iske asyrý úshin Singapýrlyq PSA International kompaniiasymen kelissózder júrgizildi.
Sonymen qatar Maersk, MSC jáne Cosco Shipping siiaqty álemdik konteinerlik operatorlarynyń parkin tartý kózdelýde. Jeke biznesti tarta otyryp, saýda flotyn 4 parommen tolyqtyrý josparlanýda.
Biyl shamamen 4 mln tonna eksporttyq júkti qaita baǵdarlaýdy eskere otyryp, Aqtaý jáne Quryq teńiz porttary arqyly tasymal kólemin 10 mln tonnaǵa deiin jetkizý josparlanýda», - dedi Qaiyrbek Óskenbaev.
