Májilistiń jalpy otyrysynda «Qazaqstan Respýblikasy men Soltústik Makedoniia Respýblikasynyń arasyndaǵy qylmystyq ister boiynsha ózara quqyqtyq kómek týraly shartty ratifikatsiialaý týraly» zań jobasy maquldandy, dep habarlaidy QazAqparat.
«Shart qylmystyq saladaǵy ózara kómek berýdi kózdeidi. Negizinen, kúdikti men aiyptynyń kinásin dáleldeýge baǵyttalǵan tiisti áreketterdi qamtidy. Osy rette eki eldiń quzyrly organdaryna tergeý amaldaryn júrgizýge quqyqtyq kómek beredi», - dedi QR Bas Prokýrorynyń orynbasary Marat Ahmetjanov.
Osy oraida qamaýda otyrǵan adamdardy ýaqytsha berý, tintý, zattaryn tárkileý, sraptama júrgizý, jaýap alý, aqparat jáne basqa tergeý amaldaryn qamtidy. Bul kelisimde kórsetilgen barlyq tergeý áreketteri bizdiń zańnamamyzda bar.
Shart quqyqtyq kómek kórsetýden bas tartý úshin negizderdi de kózdeidi. Qujatty ratifikatsiialaý eki eldiń qylmysqa qarsy kúrestegi yntymaqtastyǵynyń tiimdiligin arttyrýǵa múmkindik beredi.
Shart mindetti túrde ratifikatsiialaýǵa jatady, óitkeni ol adamnyń jáne azamattyń quqyqtary men bostandyqtaryn tikelei qozǵaidy.
«Jalpy, elimiz osyndai shartty 27 memleketpen bekitti. Onyń arasynda Qytai, Ultybritaniia, AQSh sekildi eldermen jasaldy», - dedi M. Ahmentjanov.
