Foto: Pexels.com
Tsifrlyq damý, innovatsiialar jáne aeroǵarysh ónerkásibi ministri Jaslan Mádiev Senattyń jalpy otyrysynda 2025 jyly ǵaryshqa otandyq zymyran ushyrý josparda turǵanyn aitty.
«Báiterek» Qazaqstan zymyran kesheniniń jobasy týraly aitsaq, jumys qaita jandandy. Birinshi «Soiýz-5» zymyran tasyǵyshyn ushyrý 2025 jylǵa josparlanǵan. Kommertsiialyq baǵytta zymyran ushyrý 2028 jylǵa josparlanǵan. Úsh jyl boiy testileý rejiminde zymyrandar ushyrylady», - dedi ol.
Ministrdiń sózinshe, qazir otandyq zymyrandy ǵaryshqa shyǵarý máselesi jan-jaqty pysyqtalyp jatyr.
«Otandyq zymyran tasyǵysh ǵaryshqa táýelsiz jol ashý quralyn qalyptastyrýǵa múmkindik beredi. Qazir zymyran tasyǵyshtyń komponentteri men materialdaryn ázirleý jumystary júrip jatyr. Zymyrannyń qospa otynynyń prototipi jasaldy. Meteorologiialyq zymyrandy ushyrý 2025 jylǵa josparlanǵan. Asa jeńil zymyrandy synaqtan ótkizý 2023 jylǵa belgilengen», - dedi Jaslan Mádiev.
BUU-nyń táýelsiz baǵalaýy boiynsha Qazaqstan tsifrlandyrý salasynda alǵa ilgerilep keledi. Qazaqstan «Elektrondy úkimetter» indeksinde 163 eldiń ishinde 24 oryn alyp, «onlain qyzmetter» indeksinde úzdik ondyqqa kirdi.
