Amerikalyq zertteý ortalyǵynyń 2020 jylǵy ekonomikalyq erkindik indeksi boiynsha «Mura qory» (Heritage Foundation) elder reitinginde Qazaqstan óz kórsetkishterin 20 pozitsiiaǵa jaqsartyp, 180 orynnyń ishinen 39-oryndy ielendi (2019 jylǵy reitingte – 59-oryn).
Bul týraly "Ult aqparat" QR Úkimetiniń resmi saityna silteme jasap habarlaidy.
Heritage Foundation Qazaqstannyń 2020 jylǵy reitingtegi pozitsiiasyn jaqsartý turǵysynan alǵanda anaǵurlym mańyzdy oń serpini bar 10 eldiń birine ainalǵanyn atap ótti. Oń serpin fiskaldyq turaqtylyq, menshik quqyǵyn qorǵaý, memlekettik organdardyń tiimdiligi, memlekettik shyǵystardyń tiimdiligi, biznestiń bostandyǵy, saýda erkindigi, sot júiesiniń tiimdiligi sekildi kórsetkishter boiynsha baiqaldy.
Turaqty dinamika investitsiialar erkindigi, qarjy sektorynyń erkindigi siiaqty kórsetkishter boiynsha baiqaldy. Salystyrý úshin, 2020 jylǵy ekonomikalyq erkindik indeksi boiynsha elder reitinginde Resei Federatsiiasy 94-oryndy, Ózbekstan Respýblikasy 114-oryndy, Belarýs Respýblikasy 88-oryndy, Qyrǵyz Respýblikasy 81-oryndy ielendi.
Ekonomikalyq erkindik deńgeii asa joǵary 5 eldiń qataryna Singapýr, Gonkong, Jańa Zelandiia, Avstraliia, Shveitsariia kirdi.
