امەريكالىق زەرتتەۋ ورتالىعىنىڭ 2020 جىلعى ەكونوميكالىق ەركٸندٸك يندەكسٸ بويىنشا «مۇرا قورى» (Heritage Foundation) ەلدەر رەيتينگٸندە قازاقستان ٶز كٶرسەتكٸشتەرٸن 20 پوزيتسيياعا جاقسارتىپ, 180 ورىننىڭ ٸشٸنەن 39-ورىندى يەلەندٸ (2019 جىلعى رەيتينگتە – 59-ورىن).
بۇل تۋرالى "ۇلت اقپارات" قر ٷكٸمەتٸنٸڭ رەسمي سايتىنا سٸلتەمە جاساپ حابارلايدى.
Heritage Foundation قازاقستاننىڭ 2020 جىلعى رەيتينگتەگٸ پوزيتسيياسىن جاقسارتۋ تۇرعىسىنان العاندا اناعۇرلىم ماڭىزدى وڭ سەرپٸنٸ بار 10 ەلدٸڭ بٸرٸنە اينالعانىن اتاپ ٶتتٸ. وڭ سەرپٸن فيسكالدىق تۇراقتىلىق, مەنشٸك قۇقىعىن قورعاۋ, مەملەكەتتٸك ورگانداردىڭ تيٸمدٸلٸگٸ, مەملەكەتتٸك شىعىستاردىڭ تيٸمدٸلٸگٸ, بيزنەستٸڭ بوستاندىعى, ساۋدا ەركٸندٸگٸ, سوت جٷيەسٸنٸڭ تيٸمدٸلٸگٸ سەكٸلدٸ كٶرسەتكٸشتەر بويىنشا بايقالدى.
تۇراقتى ديناميكا ينۆەستيتسييالار ەركٸندٸگٸ, قارجى سەكتورىنىڭ ەركٸندٸگٸ سيياقتى كٶرسەتكٸشتەر بويىنشا بايقالدى. سالىستىرۋ ٷشٸن, 2020 جىلعى ەكونوميكالىق ەركٸندٸك يندەكسٸ بويىنشا ەلدەر رەيتينگٸندە رەسەي فەدەراتسيياسى 94-ورىندى, ٶزبەكستان رەسپۋبليكاسى 114-ورىندى, بەلارۋس رەسپۋبليكاسى 88-ورىندى, قىرعىز رەسپۋبليكاسى 81-ورىندى يەلەندٸ.
ەكونوميكالىق ەركٸندٸك دەڭگەيٸ اسا جوعارى 5 ەلدٸڭ قاتارىنا سينگاپۋر, گونكونگ, جاڭا زەلاندييا, اۆسترالييا, شۆەيتسارييا كٸردٸ.
