Qorǵanys ministrligi óz áskeri qyzmetshilerin bitimgerlik missiialardyń birine jibermek. Bul týraly búgin QR qorǵanys ministriniń orynbasary Talǵat Muhtarov málim etti, dep habarlaidy Sputnik Qazaqstan tilshisi.
"Biz qazir bólimsheni bitimgerlik missiialardyń birine jiberý úshin úlken daiyndyq jumysyn júrgizip jatyrmyz. Buǵan deiin biz bitimgerlik qyzmetke jekelegen ofitserlerdi shtab ofitseri, ofitser-baqylaýshy retinde ǵana jiberý arqyly qatysyp keldik. Qazir barlyq kezeńnen óttik, tek BUU talap etip otyrǵan standarttyq protsedýralar ǵana qaldy. Osy jyldyń kúzine qarai – qyrkúiek, qazan ailarynda 120 adamdy boljam boiynsha Livanǵa jiberemiz", — dedi vitse-ministr.
Ol Qazaqstanda bitimgerlik qyzmet týraly zań qabyldanyp, kepildik, qaýipsizdik sekildi áleýmettik máseleler kelisilgenin atap ótti.
"BUU-men etene jumys istep jatyrmyz. Men ózim Livanda boldym, bitimgerlik missiia júrgizetin tóńirekti kórip qaittym. Bul beibitshilikti qoldaý boiynsha bitimgerlik missiiasy", — dedi Muhtarov.
