QR Bilim jáne ǵylym ministri Ashat Aimaǵambetov mektep oqýshylary úshin 12 jyldyq baǵdarlamany engizý barysy týraly aitty, dep habarlaidy "Ult aqparat".
«Ózderińiz bilesizder, jańartylǵan baǵdarlamalar 2015 jyly qabyldandy, iaǵni osy sharalar júrgizilgen kezde 1-den 11 synyp aralyǵynda 11 jyldyq mekteptiń baǵdarlamalary bekitildi. Sáikesinshe, qazir jańartylǵan baǵdarlamalar engizilýde. Barlyq synyptardyń 95 paiyzy osyǵan aýysyp úlgerdi. Aldaǵy jyly 11 synyptyń aýysýy josparlanǵan», - dedi ministr Parlament Májilisinde ótken Úkimet saǵatynda.
«Qazirgi kezde jańa baǵdarlamaǵa tolyqtai kóshý mańyzdy, eger biz aldyn ala daiyndyqsyz 12-synypty engizemiz dep aitsaq, onda úlken problemalarǵa tap bolamyz», - dedi A. Aimaǵambetov.
Bul turǵyda 12- synypty engizý mektep infraqurylymyna, pedagog daiarlyǵyna, oqýlyq shyǵarý baǵytyna tiisti júktemeni týdyrady.
«1-den 11 synyp aralyǵynda tolyqtai jańa baǵdarlamaǵa, baǵalaýdyń jańa júiesine kóshkennen soń, 12 jyldyq bilim baǵdarlamasyn bastaýymyz kerek. Bul turǵyda oǵan kóshýdiń birneshe nusqasy bar. Jalpy, buǵan kóshý sharalary birqalypty júrgiziledi. Osy oraida, 2021 jyldy belgilep otyrmyz», - dedi ministr.
