قر بٸلٸم جەنە عىلىم مينيسترٸ اسحات ايماعامبەتوۆ مەكتەپ وقۋشىلارى ٷشٸن 12 جىلدىق باعدارلامانى ەنگٸزۋ بارىسى تۋرالى ايتتى, دەپ حابارلايدى "ۇلت اقپارات".
«ٶزدەرٸڭٸز بٸلەسٸزدەر, جاڭارتىلعان باعدارلامالار 2015 جىلى قابىلداندى, ياعني وسى شارالار جٷرگٸزٸلگەن كەزدە 1-دەن 11 سىنىپ ارالىعىندا 11 جىلدىق مەكتەپتٸڭ باعدارلامالارى بەكٸتٸلدٸ. سەيكەسٸنشە, قازٸر جاڭارتىلعان باعدارلامالار ەنگٸزٸلۋدە. بارلىق سىنىپتاردىڭ 95 پايىزى وسىعان اۋىسىپ ٷلگەردٸ. الداعى جىلى 11 سىنىپتىڭ اۋىسۋى جوسپارلانعان», - دەدٸ مينيستر پارلامەنت مەجٸلٸسٸندە ٶتكەن ٷكٸمەت ساعاتىندا.
«قازٸرگٸ كەزدە جاڭا باعدارلاماعا تولىقتاي كٶشۋ ماڭىزدى, ەگەر بٸز الدىن الا دايىندىقسىز 12-سىنىپتى ەنگٸزەمٸز دەپ ايتساق, وندا ٷلكەن پروبلەمالارعا تاپ بولامىز», - دەدٸ ا. ايماعامبەتوۆ.
بۇل تۇرعىدا 12- سىنىپتى ەنگٸزۋ مەكتەپ ينفراقۇرىلىمىنا, پەداگوگ دايارلىعىنا, وقۋلىق شىعارۋ باعىتىنا تيٸستٸ جٷكتەمەنٸ تۋدىرادى.
«1-دەن 11 سىنىپ ارالىعىندا تولىقتاي جاڭا باعدارلاماعا, باعالاۋدىڭ جاڭا جٷيەسٸنە كٶشكەننەن سوڭ, 12 جىلدىق بٸلٸم باعدارلاماسىن باستاۋىمىز كەرەك. بۇل تۇرعىدا وعان كٶشۋدٸڭ بٸرنەشە نۇسقاسى بار. جالپى, بۇعان كٶشۋ شارالارى بٸرقالىپتى جٷرگٸزٸلەدٸ. وسى ورايدا, 2021 جىلدى بەلگٸلەپ وتىرمىز», - دەدٸ مينيستر.
