Qazaqstan mektepteri latyn álipbiin engize otyryp, 2023 jyldan bastap kezeń-kezeńmen 12 jyldyq bilim berýge kóshedi. Bul týraly bilim jáne ǵylym ministri Ashat Aimaǵambetov málimdedi, dep habarlaidy Sputnik Qazaqstan.
"Orta bilimdi damytý úshin latyn grafikasyn engize otyryp, 2023 jyldan bastap 12 jyldyq oqytýǵa kezeń-kezeńmen kóshý kózdelip otyr. Ol úshin biz óte aýqymdy jumys atqarýymyz kerek", - dedi Aimaǵambetov ministrliktiń keńeitilgen alqa májilisinde.
Aitýynsha, memlekettik jalpyǵa mindetti bilim berý standarty, úlgilik oqý baǵdarlamalary jańartylady.
Prezidenttiń tapsyrmasymen matematika, tilder jáne informatika pánderine basymdyq beriledi. Qazaqstan tarihy men Dúniejúzi tarihy boiynsha biryńǵai oqýlyqtar ázirlenedi.
Sondai-aq, ministr oqýlyqtardyń sapasy qoǵam tarapynan únemi synǵa ushyraitynyn atap ótti. Sol sebepti oqýlyqtardy saraptaý jáne irikteý rásimine, sarapshylardyń biliktilik deńgeiine qoiylatyn talaptar qatańdatylady.
Buǵan qosa, oqýlyqtardy sapaly ázirleý úshin olardyń qurylymy men mazmunyna qoiylatyn biryńǵai talaptar bekitiledi. Aimaǵambetov tiisti zańnamaǵa qajetti ózgerister engizilgenin aitty.
