Qazaq tilin ǵylym tiline ainaldyrýǵa baǵyttalǵan ǵylymi-lingvistikalyq baza qurylady. Mundai jospardy Mádeniet jáne sport ministrliginiń alqa májilisinde vitse-ministr Nurǵisa Dáýeshov málim etti, dep habarlaidy QazAqparat.
«Qazaqstan Respýblikasyndaǵy til saiasatyn iske asyrýdyń 2020-2025 jyldarǵa arnalǵan memlekettik baǵdarlamasyna ózgerister engiziledi. Atap aitqanda, «Abai institýty» atty Qazaqstanda jáne shetelderde qazaq tilin úiretý jáne ilgeriletý baǵdarlamasyn jetildirip, qoldanys aiasyn keńeitý josparlanǵan. Odan bólek qazaq tili ulttyq korpýsynyń pýblitsistikalyq mátinderiniń kishi korpýsyn ázirleý jumystaryn júrgiziledi», - dedi ol.
Sondai-aq, Qazaqstan Respýblikasy azamattarynyń aty-jónderin latyn negizdi álipbimen jazylý erejeleri ázirlenbek.
«Qazaqstan Respýblikasynyń aýmaǵyndaǵy geografiialyq obektilerdiń jáne olardyń quramdas bólikteriniń ataýyn latyn grafikasy negizinde standarttalady. Sondai-aq, qazaq tilin ǵylym tiline ainaldyrýǵa baǵyttalǵan ǵylymi-lingvistikalyq bazasyn qurý kózdelgen», - dedi ol.
