QR Bas prokýratýrasy joldaǵy apattardyń elektrondy kartasyn iske qosty, dep habarlaidy QazAqparat.
QR Bas prokýrorynyń orynbasary Marat Ahmetjanovtyń atap ótýinshe, kartada adamdardyń qaza bolýyna nemese jaralanýyna ákep soqqan jol-kólik oqiǵalary boiynsha statistika kórsetiledi.
Bul kartada azamattardyń ómiri men densaýlyǵyna esh qaýip tóndirmegen jeńil-jelpi jol-kólik oqiǵalary esepke alynbaidy.
Karta jergilikti atqarýshy organdar, jol politsiiasy qyzmetteri, «QazAvtoJol» UK» AQ úshin apattylyqtyń aldyn alý jáne azaitý, qajetti jol belgileri men tańbalardy ornalastyrý maqsatynda ýaqtyly sharalar qabyldaý, apatty ýchaskelerdi ýaqtyly jóndeý, sondai-aq tiisti basqarýshylyq sheshimderdi qabyldaýdy taldaý úshin paidaly.
Elimizdiń joldary men kóshelerindegi apattar týraly tolyq aqparatty Quqyqtyq statistika jáne arnaiy esepke alý komitettiń saitynan «qamqor.gov.kz» «Aqparattyq servis» bóliminde kórýge bolady.
Ol úshin «geoaqparattyq júieler» terezesine ótý, «JKO» qosymsha betin tańdaý, sondai-aq ýaqyt pen óńirdiń qyzyqtyratyn parametrlerin ornatý qajet.
