Foto: «Qazaqmys korporatsiiasy»
Astanada «Qazaqmys korporatsiiasy» JShS Basqarma tóraǵasy Rýslan Óskenáli men «Almaty» ÁKK» AQ Basqarma tóraǵasy Marat Baidýrin yntymaqtastyq týraly memorandýmǵa qol qoidy.
Memorandým ózara tiimdi yntymaqtastyqty nyǵaitýǵa, otandyq óndirýshilerdi qoldaýǵa, jergiliktendirý deńgeiin arttyrýǵa jáne óndiristik kooperatsiiany keńeitýge baǵyttalǵan.
Taraptar Almaty qalasy men Ulytaý oblysynyń ekonomikasyn damytýǵa, otandyq óndirýshilerge qoldaý kórsetýge, sondai-aq óndiristi jergiliktendirý deńgeiin arttyrýǵa baǵyttalǵan ózara is-qimyl týraly ýaǵdalasty.
Qazaqmys úshin qazaqstandyq qamtýdy damytý uzaq merzimdi strategiianyń negizgi ba bolyp tabylady. Bul tásildiń is júzinde iske asyrylýy naqty kórsetkishpen rastalady: 2025 jyldyń qorytyndysy boiynsha kompaniia otandyq óndirýshilerden shamamen 577 mlrd teńgege ónim men qyzmet satyp aldy. Osy kólemniń shamamen 27%-y, iaǵni 152 mlrd teńgesi, Almatynyń kásiporyndaryna tiesili. Bul qalanyń óńiraralyq kooperatsiia júiesindegi mańyzdy rólin aiqyndaidy.
Atalǵan kórsetkish óńiraralyq kooperatsiianyń áleýeti joǵary ekenin kórsetip, ónerkásiptik kásiporyndar men biznes arasyndaǵy seriktestikti odan ári keńeitýdiń mańyzdylyǵyn rastaidy.
Memorandým aiasynda «Qazaqmys» Tobynyń kásiporyndary men «Almaty indýstriialyq aimaǵy» JShS («Almaty» ÁKK» AQ enshiles uiymy) rezidentteri arasyndaǵy kooperatsiiany damytý, otandyq óndirýshilerden satyp alý úlesin arttyrý, óndiristik qajettilik boiynsha aqparat almasý, sondai-aq birlesken iskerlik is-sharalar men kelissózder ótkizý kózdelip otyr.
Sonymen qatar, shikizat resýrsyn qaita óńdeý salasyn damytýǵa jáne qazaqstandyq kásiporyndar negizinde joǵary qosylǵan quny bar ónimder óndirisiniń tizbegin qurýǵa erekshe nazar aýdaryldy.
Qazirgi kezde «Almaty indýstriialyq aimaǵy» aýmaǵynda 147 investitsiialyq joba júzege asyrylýda, onyń ishindegi 57 kásiporyn iske qosyldy. Investitsiianyń jalpy kólemi 884 mlrd teńgeni quraidy. 2026 jyly da jalpy somasy 10,3 mlrd teńge bolatyn 8 investitsiialyq jobany iske qosý josparlanyp otyr.
Memorandýmǵa qol qoiý óńiraralyq yntymaqtastyqty keńeitýge, ótkizý naryǵyn ártaraptandyrýǵa jáne Qazaqstannyń ónerkásiptik áleýetin odan ári nyǵaitýǵa jańa múmkindik ashady.
