Qazaqmys kómek retinde Jezqazǵan, Sátbaev, Balqash qalalarynyń meditsina salasyna 1 mlrd teńge bóldi, dep habarlaidy "Ult aqparat" korporatsiianyń saityna silteme jasap.
«Qazaqmys ózi ornalasqan qalalardyń halqy úshin COVID-19 diagnostikalaý jáne emdeý boiynsha meditsinalyq qyzmetterdiń qoljetimdiligin arttyrady. Sońǵy eki aptada elimizde Jezqazǵan, Sátbaev jáne Balqash qalalarynyń turǵyndaryna da yqpal etken epidemiologiialyq jaǵdai oryn aldy. Koronovirýs infektsiia paida bolǵan sátten bastap kompaniia kásiporyndarynda eskertý sharalary qabyldandy, alaida aýrý jyldam halyqtyń barlyq toptaryna jappai tarai bastady.
Qaraǵandy oblysynyń Densaýlyq saqtaý basqarmasy oblystyń densaýlyq saqtaý obektileriniń materialdyq-tehnikalyq bazasyn nyǵaitýǵa baǵyttalǵan is-sharalar josparyn ázirlep, onyń ishinde shamamen 3 milliard teńge Jezqazǵan, Sátbaev jáne Balqash qalalaryna bólindi», delingen habarlamada.
Atalǵan is-sharalar josparynyń aiasynda Qazaqmys korporatsiiasymen birlesip COVID-19-ǵa qarsy kúresýde yntymaqtastyq týraly memorandýmǵa qol qoiyldy.
Memorandýmda densaýlyq saqtaý obektilerin tolyq jabdyqtaý, atap aitqanda, úsh qalanyń densaýlyq saqtaý obektileriniń emdeý qory úshin qosymsha meditsinalyq jabdyqtar men dárilik preparattardy satyp alý, ambýlatoriialyq meditsina qyzmetkerleriniń táýlik boiy qozǵalysyn qamtamasyz etý úshin kólikti uiymdastyrý jáne t. b. sharalardy oryndaý bóliginde jalpy somasy shamamen 1 milliard teńgege «Qazaqmystyń» qatysýy qarastyrylǵan.
Memorandým is-sharalaryn júzege asyrý aiasynda jaqyn arada Qaraǵandy oblysy úshin 1 200 dana ottegi kontsentratyn jetkizý kútilýde, onyń ishinde 200-den astamy Jezqazǵan, Sátbaev jáne Balqash aýrýhanalaryna bólinedi. Atalǵan qalalar úshin korporatsiia 10 ókpeni jasandy jeldetý apparatyn, 3 vibroakýstikalyq apparatty satyp alady, kúzge qarai qalalardyń statsionarlarynda 3 meditsinalyq gazdar (ottegi) bólý júiesi ornatylatyn bolady. Sondai-aq kompaniia 8 shildede ashylǵan Jezqazǵan ýniversitetiniń jataqhanasyndaǵy 250 tósek-orynǵa arnalǵan infektsiialyq gospitaldi tehnikalyq jaraqtandyrýǵa qarajat bóldi. Atalǵan jabdyqtarmen qosa úsh qalanyń árqaisysyna bir-birden 3 kompiýterlik tomograf (KT) jetkiziletin bolady.
Memorandým atalǵan is-sharalarmen shektelmegen. «Qazaqmys» KVI-men kúresýde qajettilikti anyqtaý jáne ony tolyqtyrý boiynsha densaýlyq organdarymen odan ári birlese jumys jasaýdy jáne halyqqa júrgizilip jatqan jumystar týraly aqparat berýdi josparlap otyr.
«Búgingi kúnde ózara qamqorlyq kórsete otyryp, birge bolýymyz mańyzdy. Sondyqtan da biz qatysý aimaqtaryndaǵy halyqqa meditsinalyq qyzmetterdiń qoljetimdiligin qamtamasyz etý boiynsha yqtimal sharalardy qabyldaimyz. Biz meditsina salasyndaǵy ózimizdiń qyzmetkerlerimizdiń kásibi biliktiligine senimdimiz jáne kúsh-jigerimizdi biriktirip, birlese otyryp, osy qiyn kezeńdi sózsiz jeńemiz», - dep kompaniia basshylyǵy atap ótti.
