Foto: t.me/patriot_patriot
Qaraǵandy oblysy Densaýlyq saqtaý basqarmasynyń baspasóz qyzmeti kómir kenishindegi jol apatynan aman qalǵan "Qazaqmys" kompaniiasy jumysshylarynyń jaǵdaiy týraly aitty, - dep habarlaidy Tengrinews.kz.
"BelAZ" júk kóligi basyp qalǵan kólikte barlyǵy bes adam bolǵan. Eki adam, onyń ishinde júrgizýshi oqiǵa ornynda qaza boldy.
"Ekeýi ambýlatorlyq em qabyldap jatyr, jaralanǵan. Bireýi aýrýhanada jatyr, aiaǵy synǵan, sol jaq jambasy shyǵyp ketken. Ómirine qaýip tónip turǵan joq", - dedi vedomstvo ókilderi.
Eske salaiyq, 28 tamyzda "Qazaqmys" kómir kenishinde júk kóligi bes jumysshy otyrǵan kólikke soqtyǵysqany habarlanǵan bolatyn. "Molodejnyi" razrezinde "BelAZ" avtokóliginiń júrgizýshisi manevr jasaý kezinde "ÝAZ" avtokóliginiń sol jaq bóligine soǵylyp, basyp qalǵan. Eki adam oqiǵa ornynda qaza boldy.
Qazir oqiǵanyń sebebin anyqtaý úshin tergeý amaldary júrgizilip jatyr.
