فوتو: t.me/patriot_patriot
قاراعاندى وبلىسى دەنساۋلىق ساقتاۋ باسقارماسىنىڭ باسپاسٶز قىزمەتٸ كٶمٸر كەنٸشٸندەگٸ جول اپاتىنان امان قالعان "قازاقمىس" كومپانيياسى جۇمىسشىلارىنىڭ جاعدايى تۋرالى ايتتى, - دەپ حابارلايدى Tengrinews.kz.
"بەلاز" جٷك كٶلٸگٸ باسىپ قالعان كٶلٸكتە بارلىعى بەس ادام بولعان. ەكٸ ادام, ونىڭ ٸشٸندە جٷرگٸزۋشٸ وقيعا ورنىندا قازا بولدى.
"ەكەۋٸ امبۋلاتورلىق ەم قابىلداپ جاتىر, جارالانعان. بٸرەۋٸ اۋرۋحانادا جاتىر, اياعى سىنعان, سول جاق جامباسى شىعىپ كەتكەن. ٶمٸرٸنە قاۋٸپ تٶنٸپ تۇرعان جوق", - دەدٸ ۆەدومستۆو ٶكٸلدەرٸ.
ەسكە سالايىق, 28 تامىزدا "قازاقمىس" كٶمٸر كەنٸشٸندە جٷك كٶلٸگٸ بەس جۇمىسشى وتىرعان كٶلٸككە سوقتىعىسقانى حابارلانعان بولاتىن. "مولودەجنىي" رازرەزٸندە "بەلاز" اۆتوكٶلٸگٸنٸڭ جٷرگٸزۋشٸسٸ مانەۆر جاساۋ كەزٸندە "ۋاز" اۆتوكٶلٸگٸنٸڭ سول جاق بٶلٸگٸنە سوعىلىپ, باسىپ قالعان. ەكٸ ادام وقيعا ورنىندا قازا بولدى.
قازٸر وقيعانىڭ سەبەبٸن انىقتاۋ ٷشٸن تەرگەۋ امالدارى جٷرگٸزٸلٸپ جاتىر.
