QR Úkimetiniń baspasóz ortalyǵynda ótken brifing barysynda «Kazakh Invest» UK» AQ basqarma tóraǵasynyń orynbasary R. Isataev 2018 jyly sheteldik investitsiialardy tartý boiynsha atqarylǵan jumys týraly aityp, kompaniianyń josparlarymen bólisti.
R. Isataev «Kazakh Invest» UK» AQ kompaniiasy aldynda jyl saiyn Qazaqstan ekonomikasynyń basym sektoryna 8 transulttyq kompaniia men 2 zákirlik investorlardy tartý, sondai-aq, óńdeý sektoryna 5 jyl ishinde $25 mlrd tartý maqsaty qoiylǵanyn aitty. 2018 jyldyń qorytyndysy boiysha atalǵan mindet oryndaldy.
2018 jyly $930 mln somasyna 8 TUK tartyldy. Jalpy, Kazakh Invest belsendi qoldaýynyń arqasynda $3,1 mlrd somasyna 27 joba paidalanýǵa berildi. Atalǵan jobalardy iske asyrý aiasynda 6 myńǵa jýyq turaqty jumys orny quryldy. Osylaisha, Jambyl oblysynda óndiristik qýattylyǵy 50 MVt bolatyn kún elektr stantsiiasy, Qyzylorda oblysynda tsement zaýyty (jylyna 1 mln tonna tsement), Túrkistan oblysynda Qazaqstandaǵy qurǵaq túie sútin óndiretin alǵashqy zaýyt (táýligine 100 tonnaǵa deiin sút óńdeý) jumysyn bastady.
Sonymen qatar, 2018 jyly Pavlodar oblysynda temir jol dóńgelekterin shyǵaratyn óndiris iske qosyldy (jylyna 200 myń dóńgelek), Nur-Sultan qalasynda transformatorlar óndirisi paidalanýǵa berildi (jylyna 100 transformator), Qaraǵandy oblysynda mashina jasaý zaýytyn jańǵyrtý jumystary aiaqtaldy (jylyna 8,5 myń tonna ónim) jáne t.b. Jobalardy iske asyrý 6 myń turaqty jumys ornyn qurýǵa yqpal etti.
Buǵan qosa, R. Isataev invest.gov.kz qazaq, aǵylshyn jáne orys tilderinde Biryńǵai ulttyq interaktivti internet-resýrsyn iske qosý týraly aityp berdi. Saitta Qazaqstanǵa investitsiia salý, investitsiialardy talap etetin jobalar týraly qajetti aqparatpen qatar, túrli suraqtar boiynsha suranymdardyń baǵyttary fýnktsiiasy da usynylǵan.
«Investorlar tarapynan túsken kez kelgen suratym, bastama nemese shaǵymdy azdaǵan sekýnd ishinde atalǵan portalda rásimdeýge bolady. Ol bizdiń elektrondy bazaǵa túsedi jáne qysqa merzim ishinde olardy bizdiń jobalyq nemese eldik menedjerler óńdeidi» dedi Kazakh Invest basqarma tóraǵasynyń orynbasary.
Sonymen qatar, ol Kazakh Invest jyl saiyn qazaqstandyq biznes bastamashylyq etetin 60-qa jýyq taýashalyq jobany ázirleidi.
«Biz investorlarmen ózara is-qimyl qarqynyn arttyrýdy jalǵastyramyz, el basshylyǵynyń áleýetti ári belsendi investorlarmen barlyq ýaǵdalastyqtarynyń iske asyrylý monitoringin qamtamasyz etemiz» dedi R. Isataev.
2019 jyly Kazakh Invest josparlarynda $2 mlrd somasyna sheteldik investorlardyń qatysýymen 30 jobany paidalanýǵa berýdi qamtamasyz etý kózdelgen. Paidalanýǵa beriletin jobalardyń jalpy sanynyń 40% jýyǵy ekonomikanyń jańa sektoryna tiesili — jańartylatyn energiia kózderi jána aqparattyq-kommýnikatsiialyq tehnologiialar. Qýattylyǵy jalpy 400MVt bolatyn kún elektr stantsiiasy, 90 MVT – jel, 25 MVt – sý elektr stantsiiasy paidalanýǵa beriledi dep josparlanǵan. Paidalanýǵa berý josparlanǵan elektr stantsiialarynyń jalpy quny $680 mln quraidy.
